VOV4.Bahnar -  Kiơ̆ tơdrong vă jang đơ̆ng Dơnŏ anĭh vei lăng kon pơleui dêh char Lâm Đồng lơ̆m jăl jang 2021 - 2025 gô atŏk kơtang bơ̆ jang tơpôl tơ̆ rim hơnĭh bơ̆ jang, rim tơring, lăp hăm atok tơ iung mŭk drăm-tơpôl kơ tơring kiơ̆ rim chăl sơnăm. Mă hơdăh, chăl sơnăm 2021-2025 iŏk đei 60% hơnĭh bơ̆ jang, tơring tơrang vang jang tơgŭm djru tơpôl, hơnĭh hơmet dư ma tuý, hnam pơnă, hơnĭh pơtho khan ăn bơngai yoch, rim hơnĭh bơ̆ jang tư phap, hnam trương hŏk, hnam pơgang, tơring, phương, thĭ trân; tŏ sĕt hlŏh kang ƀô̆, bơngai jang păng bơngai vang jang tơdrong jang tơpôl tŏk bŏk bơ̆ jang tơ̆ tơring, phương, thĭ trân, rim hơnĭh bơ̆ jang tơgŭm ăn tơdrong jang tơpôl tŏ sĕt hlŏh 50% hơnĭh jang vang jang tơgŭm djru tơpôl, hnam pơgang tơring, hnam trương hŏk tơring păng rim hơnĭh bơ̆ jang ƀơm trŭh anai lơ̆m pơprŏ ăn đei bơ̆ jang tơgŭm djru tơpôl; măt bơngai tơbnap tap đei tơbăt, tơgŭm djru bơ̆ jang tơpôl sơnăm 2025 tŏk 20% pơtêng hăm sơnăm 2020; sơđơ̆ng tŏ sĕt hlŏh 85% hơ iŏh mơti mơtĕk, hơ iŏh nông nôt đei tơgŭm djru.

Tơblơ̆ nơ̆r: Amazưt