VOV4.Bahnar - Tưk tơ iung dôm tơ drong jang tơ jur tơ nuh hin, tŏk tơ iung mŭk drăm tơ pôl tơ̆ tơ ring kon kông tơ̆ dêh char Lâm Đồng lơ sơ năm âu ki đei tơ drong tơ gop tôch gĭt kăl đơ̆ng dôm bơ ngai đei kon pơ lei lui yom, đe kră pơ lei, ƀok pơ gơ̆r pơ lei mưh chă krao hơ vơn, roi tơ băt ăn kon pơ lei.

Bơ ngai đei kon pơ lei lui yom hơ nơ̆ng năm hơ drol lơ̆m tơ drong jang atŏk tơ iung mŭk drăm, tơ pôl

Lơ̆m dêh char dang ei đei 479 ‘nu bơ ngai đei kon pơ lei lui yom arih xa, jang xa tơ̆ dôm pơ lei pơ la lơ̆m tơ ring kon kông oei. Lơ bơ ngai đei kon pơ lei lui yom tơ̆ Lâm Đồng đei pơ tâp pơ hrăm, roi tơ ƀôh khôi luơ̆t, trong jang roi tơ băt vă tơ mât yoa, jang kiơ̆ lơ̆m tơ drong arih xa rim năr.

Rim sơ năm, Anih MTTQ dêh char pơ gơ̆r pôk pơ ư, hơ păh, tơ gŭm tơ mam ăn lơ bơ ngai đei kon pơ lei lui yom jang rơ gei, đei lơ tơ drong tơ gop ‘lơ̆ng. Lâm Đồng ‘măn dang 3,7 ti hlak jên 1 sơ năm vă tơ gŭm, hơ păh ăn dôm bơ ngai đei kon pơ lei lui yom lơ̆m dêh char.

Dơ̆ng: Tơ blơ̆