VOV4.Bahnar  – Jang kiơ̆ pơgơ̆r đơ̆ng Thủ tướng teh đak, tơdrong pơtho đơ̆ng dôm anih jang tơm, anih jang Trung ương, đơ̆ng rŏng kơ pơtôch lêh pơtơm Tơdrong jang ''Sóng păng kơmăi tĭnh ăn oh'', năr 12/9, Kơdră Anih vei lăng kon pơlei dêh char Lâm Đồng Trần Văn Hiệp hlôi pơgơ̆r, pơtho rim anih jang, atŭm chih akŏm tơlĕch tơdrong jang. Dêh char gô pơjing Jơnŭm hơvơn dôm tơdrong tơgŭm đơ̆ng jơnŭm pơgơ̆r tơring chă tơgŭm hăm jên dăh mă tơgop kơmăi tĭnh, tơ̆ anăp noh tơ̆ dôm tơring lơ̆m dêh char ƀơm tơnap tap, tơring tam mă đei sóng, hŏk tro, sinh viên unh hnam hin dơnuh, tơjê̆ hin dơnuh. Anih jang Tơroi tơbăt jang atŭm hăm Anih Pơtho Pơhrăm hơlen chih akŏm dôm tơring ataih yaih; unh hnam hin dơnuh vă chih hơnăn đe hŏk tro tam mă đei kơmăi vi tĭnh, kơmăi hŏk trư̆k tuyê̆n.

Lan chih păng pơre nơ̆r