VOV4.Bahnar  – Truh dang ei, anih jang thuê̆ dêh char Đăk Lăk pơtơm iŏk đei 500 hô sơ lơ̆m kơsô̆ dôm jĭt rơbâu unh hnam jang mŭk drăm tơ̆ tơring đei yua tơgŭm kiơ̆ Tơchơ̆t 68 đơ̆ng Teh đak. Kiơ̆ Tơchơ̆t 68 đơ̆ng Teh đak găh minh ƀar trong pơkăp tơgŭm ăn bơngai jang păng bơngai hơpăh bơngai jang ƀơm lơ tơnap tap kơyuơ đơ̆ng pơrang jĭ COVID-19, jên mong teh đak gô tơgŭm minh 'măng 3 trĭu hăm unh hnam athei pơdơh kơ jang đơ̆ng 15 năr tŏk tơ̆ kơpal jô̆ đơ̆ng khei  5/2021 kiơ̆ pơkăl đơ̆ng anih jang teh đak vă tang găn păng tơjră pơrang jĭ. Kiơ̆ pơkăp, vă đei tơgŭm, unh hnam tĕch pơdro athei đei hla bar chih măt jang tĕch pơdro, đei chih măt ăn thuê̆, đei hla bar apinh tơgŭm păng đei jơnŭm kơpal tơ̆ tơring kĭ pơkăp, đơ̆ng rŏng kơ noh pơtruh hô sơ ăn anih jang thuê̆ hơlen pơkăp. Atŭm hăm pơrang jĭ hơbuh hli, noh hla bar pơkăp tơnap tap jing minh lơ̆m dôm tơdrong pơm ăn Đăk Lăk adar lơ̆m tơdrong pơm jang tơchơ̆t âu.

Lan chih păng pơre nơ̆r