VOV4.Bahnar - Pơ gê 16/9, tơ̆ Hà Nội, Phŏ Kơ dră tĕh đak Võ Thị Ánh Xuân đei jơ bơ̆ jang hăm kăn ƀô̆, y ƀak si tơ̆ Hnam pơ gang truyên pham Trung ương păng hơ păh tơ mam ăn đe hơ iŏh oei hơ met jĭ tơ̆ âu ƀlep ƀât Têt Trung thu. Phŏ Kơ dră tĕh đak Võ Thị Ánh Xuân pơ truh nơ̆r pơ nat, pơ lung păng hơ păh tơ mam ăn bơ ngai tang măt ăn đe hơ iŏh jĭ jăn. 1 tơ pu tơ mam đei ƀĕng Trung thu, đak toh, tơ mam pơm ngôi păng jên măt.

Phŏ Kơ dră tĕh đak jet gia pơ ma nuh hăm đe hơ iŏh jĭ jăn

Hơ dai lơ̆m năr, bơ̆ jang hăm kăn ƀô̆, y, ƀak si tơ̆ Hnam pơ gang truyên pham Trung ương, Phŏ Kơ dră tĕh đak Võ Thị Ánh Xuân chih răk tơ drong adrin đơ̆ng hnam pơ gang vă tang găh jĭ hai, vei lăng ‘lơ̆ng tơ drong khăm hơ met jĭ păng ăn 125 ‘nu bơ ngai jang pơ gang năm tơ gŭm tơ̆ plt Hồ Chí Minh hai. Kŭm hăm tơ drong pơ truh măh mai pham ăn tơ drong khăm hơ met jĭ tơ̆ Hnam pơ gang păng 172 hnam pơ gang găh Tu, Hnam pơ gang truyên pham Trung ương oei pơ truh tơ tom hlŏh 12.000 tơ pu pham tơ gŭm ăn dôm hnam pơ gang tơ̆ tơ ring Pơ băh lơ̆m khei ‘năr jĭ Covid-19 oei tơ pŏh tôch hơ mơt âu.

Dơ̆ng: Tơ blơ̆