VOV4.Bahnar - Kơ sơ̆ ‘năr 11/4, tơ̆ Hà Nội, Anih tơm vei lăng găh pơ tho pơ hrăm,  Trung ương Đoàn hơ druh tơ dăm Cộng sản Hồ Chí Minh, Trung ương Khŭl vei lăng ‘long pơ glang ƀrê Việt Nam, Tơ drong jang đon hơ gei Việt kơ sô̆ jang hơ dai pơ gơ̆r lêh tơ lĕch jang Tơ drong jang “ tơ drong hơ pơi ăn kơ oh”. Phŏ Thủ tướng teh đak Vũ Đức Đam truh akŏm. Tơ drong jang “ tơ drong hơ pơi ăn kơ oh” vă roi tơ ƀôh, lang să păng krao hơ vơn akŏm jên vă hơ tŏk tơ iung pơ tho pơ hrăm tơ̆ rim tơ ring mơ mat tat, tơ ring hơ tăih hơ tŏ, tơ ring kon pơ lei kon kông. Pơ ma tơ̆ lêh tơ lĕch jang, Phŏ Thủ tướng Vũ Đức Đam tơ băt, kŭm hăm jên đơ̆ng teh đak, tơ drong vang tơ gŭm đơ̆ng rim khŭl jang, rim bơ ngai gô ƀrư̆ ƀrư̆ hơ met ‘lơ̆ng đei kơ chơ̆t bek lơ̆m ‘măng sŏng sa păng hơ nih hŏk pơ hrăm ăn hŏk tro, rim thây kô pơ tho tơ ring groi kông, tơ ring kon pơ lei kon kông. Tơ drong ‘nâu gô tơ gop bơ̆ jang kiơ̆ 1 tơ drong hơ pơi tih, pơ jing Việt Nam jing 1 teh đak pran kơ tang.

Thuem: Tơ blơ̆