VOV4.Bahnar - Tơ̆ hop akŏm găh tơ drong jang kiơ̆ tơ drong jang chă vei lăng kơ dih tơ̆ tơ pôl kon pơ lei oei sa, pơ lei, kueng kơ phô̆, Bí thư Trung ương Đảng, Kơ dră Anih jang Trung ương MTTQ Việt Nam Đỗ Văn Chiến athei: Pơ jing tơ drong jang chă vei lăng kơ dih lăp hăm ‘mĕh vă đơ̆ng kon pơ lei păng vei sơ đơ̆ng tơ drong vei lăng đơ̆ng teh đak. Khei ‘năr âu ki, lơ tơ drong jang chă vei lăng kơ dih tơ̆ tơ pôl kon pơ lei oei sa đei pơ jing đơ̆ng rim tơ drong jang, ‘măng krao hơ vơn yua đơ̆ng MTTQ Việt Nam, rim khŭl grŭp chĭnh trĭ - tơ pôl tơ lĕch jang đei tơ drong ƀơm lei lăi găh tơ drong bơ̆ jang; iŏk yua tam mă ‘lơ̆ng. Rim bơ ngai tang măt athei tơ̆ hơ năp kơnh kăl pơ jing 1 trong jang tơ gŭm khôi luơ̆t ăn trong jang chă vei lăng kơ dih tơ̆ tơ pôl kon pơ lei oei sa, pơ jing luơ̆t chă vei lăng kơ dih đơ̆ng kon pơ lei kon pơ lei oei sa, pơ jing tơ drong pơ kăp đơ̆ng rim tơ drong jang chă vei lăng kơ dih; dôm tơ drong kăl iung jang tơ gŭm, chă vei lăng kơ dih kăl hơ tŏk tôch ai tơ drong pơm tơm đơ̆ng kon pơ lei.

Thuem: Tơ blơ̆