VOV4.Bahnar - Tơ drong gơ̆h tŏk iŏk jên păng iŏk yua jên đơ̆ng kon pơ lei tơ ring tơ rang, tơ ring hơ tăih hơ tŏ oei tam mă lơ. ‘Nâu jĭ tơ drong đei tơ roi lơ̆m hop akŏm “ Pơ trŭt asong tŏk iŏk jên tôm tơ drong yak truh hơ tŏk tơ iung kơ jăp choh jang sa, tơ ring tơ rang tơ̆ Việt Nam” yua đơ̆ng Hla ar chih kơ tơ̆ng ang Anih mong jên, Anih mong jên teh đak pơ gơ̆r. Truh hơ tuch khei 10 sơ năm ‘nâu, asong tŏk iŏk jên pơ yua ăn hơ tŏk tơ iung choh jang sa, tơ ring tơ rang đei vă jê̆ 2,5 triệu ti hlak jên, tŏk 9,2% pơ têng hăm 2020, đei 25% rơ kăh hre atŭm lơ̆m jang mŭk drăm. Mă lei, hơ dai hăm dôm jơ nei iŏk đei, trong jang tơ gŭm jên tôm tơ drong yak truh hơ tŏk tơ iung kơ jăp choh jang sa, tơ ring tơ rang oei đei lơ tơ drong tam mă ‘lơ̆ng. Lăng găh tơ drong gơ̆h tŏk iŏk jên đơ̆ng kon pơ lei hăm rim tơ drong pơ vih pơ văn yua đơ̆ng anih mong jên pơ trŭh, dang ei oei đei tơ drong ư̆h kơ hơ tŏ tôch kơ tih đơ̆ng tơ ring pơ lei tơm păng tơ ring tơ rang, đơ̆ng rim pơ lei tơm tih păng rim dêh char tơ ring hơ tăih hơ tŏ. Ƀok Nguyễn Kim Anh, Phŏ Kơ dră vei lăng Anih mong jên teh đak hơ len lăng rim trong jang tơ gŭm kăl kơ yak truh hơ met pơ ‘lơ̆ng hrĕnh tơ drong ‘nâu.

Thuem: Tơ blơ̆