VOV4.Bahnar - Pơm lê̆h ƀlŏk hơnơ̆r ‘mêm mơnat ăn kon pơlei păng kang ƀô̆, ƀô̆ đô̆i, kŏng ang lôch răm lơ̆m ‘măng jĭ hơbŭh Covid-19 gô đei pơgơ̆r lơ̆m 8 jơ gơmăng năr 19/11 tơ̆ 2 hơnĭh tơm ‘nŏh Cham să Thống Nhất (Hà Nội) păng Hnam hop akŏm Thống Nhất (Pơlei tơm HCM). Tơ̆ Cham să Thống Nhất (Hà Nội) gô đei 300 ‘nu bơngai tang măt, găh tơ̆ Hnam hop akŏm Thống Nhất (pơlei tơm HCM) gô đei 1.000 ‘nu bơngai tang măt vang năm. ‘Ngoăih kơ ‘nŏh, pơlei tơm Thủ Đức păng rim kuân, apŭng jei pơgơ̆r rim hơnĭh pơdăh ‘măng pơgơ̆r kơtă đơ̆ng Hnam hop akŏm Thống Nhất. Rim hơnĭh pơdăh đei dang 100 ‘nu bơngai tang măt vang năm. Dôm tơdrong pơgơ̆r tơ̆ Hnam hop akŏm Thống Nhất ‘nŏh đei: chă pơdăh mĭnh ƀar rup; ƀai chĭh; nơ̆r pơma đơ̆ng Kơdră chĕp pơgơ̆r Dơnŏ anĭh Trung ương MTTQ Việt Nam. Đơ̆ng rŏng ‘nŏh, ƀlep 8 jơ 30 pơnĭt gô đei pơgơ̆r tơbăt hơhngơ̆m đon blŏk hơdơ̆r ‘mêm mơnat ăn dôm kon pơlei, kang ƀô̆, ƀô̆ đô̆i kŏng ang lôch răm kơ yuơ jĭ hơbŭh Covid-19 pơm ăn.

Tơblơ̆ nơ̆r: Amazưt