VOV4.Bahnar - Pơ gê 1/4, Anĭh pơm hơ tŏ băl kơ plăh drŏ kăn hăm drŏ nglo, Anĭh tơm vei lăng tơ drong jang xa, linh jĭ rơ ka păng tơ pôl păng Anĭh jang kơ Liên Hợp Quốc păng Hơ tŏ băl kơ plăh drŏ kăn hăm drŏ nglo (UN Women) roi tơ băt Hơ năn anih jang, khul grŭp tơ gŭm ăn drŏ kăn păng hơ iŏh đei đe tĕh dong păng pơ răm lơ̆m tĕh đak.

Đei pơ jing păng chih pơ kĕh lơ̆m 6 khei, Hơ năn âu đei chih akŏm tôm tơ drong găh anih jang, khul grŭp tơ gŭm ăn đe drŏ kăn păng hơ iŏh đei đe tĕh dong păng pơ răm tơ̆ 63 dêh char, plt đei hloi tơ̆ trung ương. Dôm tơ drong tơ gŭm đơ̆ng dôm anĭh jang, khul grŭp lơ̆m Hla ar chih hơ năn đei chih akŏm ‘moi kiơ̆ tơ drong jang atŭm jơ̆p plei tĕh găh dôm tơ drong jang kăl ‘măn ăn bơ ngai răm kơ đe tĕh dong, ƀơ ƀrơ̆h yoa Liên Hợp Quốc păng Anĭh tơm vei lăng tơ drong jang xa, linh jĭ rơ ka păng tơ pôl bơ̆ jang.

Kiơ̆ tơ drong dăr hơ len lơ̆m tĕh đak găh tĕh dong hăm drŏ kăn tơ̆ Việt Nam sơ năm 2019, mưh đei 3 ‘nu drŏ kăn ‘nŏh đei vă jê̆ 2 ‘nu bơ ngai chĭu pŭ tơ drong tĕh dong, ƀơ ƀrơ̆h hơ kâu jăn, mŭk drăm yoa klo dăh mă pơ yô pơm tơ lĕch. Mă lei, vă rim bơ ngai drŏ kăn (90,4%) đei tĕh dong ưh đei năm chă tơ drong tơ gŭm đơ̆ng anih jang kơ pal kơ tĕh đak.

Dơ̆ng: Tơ blơ̆