VOV4.Bahnar - Sơ năm 2020, An^h tơm vei lăng tơ drong jang xa, linh j^ rơ ka păng tơ pôl adrin tơ jur kơ so# unh hnam tơ nuh (kiơ\ tơ drong hơ găt lơ pang) jur đơ\ng 1 truh 1,5%; hơ dro# tơ\ dôm apu\ng tơ nuh jur 4%.

Vă jang đei tơ drong tơ jur tơ nuh hin nhen tơ le\ch, An^h tơm vei lăng tơ drong jang xa, linh j^ rơ ka păng tơ pôl vă hơ to\k tơ drong tơ gu\m ăn unh hnam tơ nuh, vă je# tơ nuh, unh hnam ‘nao klăih đơ\ng tơ nuh, tơ gu\m ăn bơ ngai tơ nuh tơ\ tơ ring kon kông oei; dar de\h pơm tơ jur [iơ\ tơ drong plo\h ple\ch băl lơ\m tơ drong io\k yoa xa hơ păh tơ drong tơ gu\m lơ\m tơ pôl, lơ\m tơ drong jang xa păng arih xa kơ plăh tơ ring kơ drâm păng tơ ring tơ rang, tơ ring groi kông, tơ ring hơ tăih yăih.

An^h tơm oei vă pơih xă dôm trong jang tơ jur tơ nuh hin đei yoa ‘lơ\ng, io\k yoa dôm tơ drong pơ che\h rơ gei găh tơ jur tơ nuh hin lơ\m tơ pôl; tơ le\ch dôm tơ drong jang đơ\ng te\h đak hơ dai hăm tơ mât jên man an^h jang, pơm trong tơ\ tơ ring; dôm trong jang xa hơ doi, jang hơ doi đơ\ng unh hnam tơ nuh hăm an^h te\ch mơ dro, pơ kăp răt io\k đ^ tơ mam đơ\ng choh jang xa đei, io\k bơ ngai tơ nuh bơ\ jang tơ\ dôm an^h te\ch mơ dro.

Ku\m hăm ‘no\h, vă pơ gơ\r tơ le\ch jang ‘lơ\ng tơ drong pơ jei băl: “Jơ\p lơ\m te\h đak vang tơ gu\m ăn bơ ngai tơ nuh – ưh đei le# bu dơ\ng hơ dro# tơ\ ro\ng” vă hơ to\k tơ drong tơ roi tơ băt, pơm tơ plih đon tơ che\ng đơ\ng rim an^h jang Đảng, khul kơ dră tơ ring păng kon pơ lei găh tơ drong hơ găt tơ nuh lơ pang, tơ drong tơm vă tơ jur tơ nuh hin kơ jăp. Kơ dră tơm vei lăng tơ drong jang xa, linh j^ rơ ka păng tơ pôl Đào Ngọc Dung ăn tơ băt:

“Sơ năm 2020, bơ\n athei đei đon tơ che\ng ‘nao găh tơ drong tơ jur tơ nuh hin. Adrol j^ chih pơ jing tơ drong hơ găt tơ nuh ‘nao ăn jăl sơ năm đơ\ng 2021 - 2025 ‘moi kiơ\ dôm tơ drong kăl đei chih răk, dôm tơ drong jơ nei găh: Jên đei io\k yoa, dôm tơ drong hơ găt tam tôm nhen vei rơ go\h cham char, đak rơ go\h, tơ drong tơ roi tơ băt, pơ tho pơ hrăm mă lei athei đei 3 tơ drong tơm vă tơ plih ming. Blu\ng a ‘no\h, hăm tơ ring tơ nuh dêh hlo\h, tơ ring hơ tăih yăih, tơ ring kon kông athei pơ jing m^nh Tơ drong jang tơm kơ te\h đak; atu\m hăm tơ drong tơ jur tơ nuh hin kơ jăp ‘no\h j^ tơ drong jang pơ jing tơ ring tơ rang ‘nao.”

{ok Kơ dră Đào Ngọc Dung oei ăn tơ băt: Tơ drong jang tơ jur tơ nuh hin kơ jăp đơ\ng Việt Nam khei ‘năr âu ki io\k đei lơ tơ drong jơ nei tôch hơ iă. Mă lei, tơ drong jang pơm tơ jur tơ nuh hin oei đei lơ tơ drong nol hai. Pơm tơ jur tơ nuh hin ưh kơ s^ jang 1, 2 năr đe\ch mă athei chih hơ dăh jang truh ning mônh păng roi đunh roi mơ mat. Hăm dôm bơ ngai ưh ke\ klăih đơ\ng tơ nuh hin, yoa tơ drong arih xa, jơ hngâm pran ưh ‘lơ\ng, jo jăn gô đei chih hơ met păng tơ mât lơ\m gru\p tơ pôl athei tơ gu\m.

“Lăp pôm tơ jur tơ nuh hin kơ jăp đe\ch kơ so# jang to\k kơ kon bơ ngai đei năng kăl păng tơ drong plo\h ple\ch băl gơ\h tơ jur [iơ\, kơ plăh ‘no\h gơ\h jang đei tơ drong ato\k tơ iung tôm tơ drong, rim răih bơ ngai, ưh kơ đei hơ chăng bu tơ\ ro\ng. Hăm dôm bơ ngai ưh ke\ jang to\k klăih đơ\ng tơ nuh, pơ ma pha [iơ\ j^ yoa mơ mat tat, jơ hngâm pran ưh ‘lơ\ng, jo jăn ‘no\h athei chih tơ mât lơ\m gru\p xa jên tơ gu\m đơ\ng tơ pôl. Mă lei, ưh kơ s^ mưh chih tơ mât dôm bơ ngai âu lơ\m gru\p xa jên tơ gu\m đơ\ng tơ pôl bơih ‘no\h, ưh pă đei pơ ngơ\t truh đe sư hloi ôh, mă athei ăn đe sư gơ\h io\k yoa dôm tơ drong tơ gu\m kăl nai păng hơ nơ\ng pơ lung đe sư le# gô chang gơ nang yoa, xa hơ păh tơ drong tơ gu\m đơ\ng te\h đak đe\ch. Jang ‘lơ\ng tơ drong tơ jur tơ nuh hin gô tưk tơ iung tơ dỏng pơ jing tơ ring tơ rang ‘nao păng pơm hơ to\k tơ drong arih xa ăn kon pơ lei.”

Truh đ^ sơ năm 2019, kơ so# unh hnam tơ nuh jo# păh lăp lơ\m te\h đak jur pă hơ lă kơ 4% (jur 1,3% pơ têng hăm hơ tuch sơ năm 2018); jo# păh lăp kơ so# unh hnam tơ nuh tơ\ dôm apu\ng tơ nuh jur hơ la kơ 29% (jur vă je# 5% pơ têng hăm hơ tuch sơ năm 2018); jo# păh lăp unh hnam tơ nuh tơ\ dôm xăh mơ mat tat dêh hlo\h, tơ ring tơ ter đak dơ s^ păng achon kông tơ\ đak dơ s^, xăh sơ lam, tơ ring kon kông, groi kông jur đơ\ng 3 - 4% pơ têng hăm hơ tuch sơ năm 2018.

Truh dang ei, đei 52/292 xăh mơ mat tat dêh hlo\h, tơ ring tơ ter đak dơ s^ păng achon kông tơ\ đak dơ s^ le\ch klăih đơ\ng tơ drong mơ mat tat dêh hlo\h; 125 xăh jang ke\h tơ drong jang 135 đơ\ng sơ năm 2017 - 2020; 8/64 apu\ng klăih đơ\ng tơ nuh hin (io\k đei 12,5%); 14/30 apu\ng (io\k đei 46,6%) đei xa yoa tơ drong tơ gu\m kiơ\ tơ drong Tơ chơ\t 30a klăih đơ\ng tơ drong mơ mat tat. Tơ drong jang đei găh tơ jur tơ nuh hin đơ\ng Việt Nam hơ nơ\ng jing 1 an^h ang hơ dăh, đei tơ pôl lơ\m apu\ng plenh te\h tơ che\ng ‘lơ\ng.

          Hà Nam: Chih

          Dơ\ng: Tơ blơ\