VOV4.Bahnar - Thủ tướng Nguyễn Xuân Phúc ‘nao pơ tho ăn dôm an^h jang kơ pal, tơ ring tơ rang hơ to\k tơ drong tang găn, sek tơ lang tơ păt dôm tơ drong hơ le\nh pơ dăr lơ\m tơ pôl, mă loi j^ tơ drong hơ le\nh pơ dăr lơ\m mang internet. Pơ ma nuh hăm khul chih hla ar tơ roi tơ\ ‘ngoăih kơ hop ako\m Kuo#k ho#i, dôm bơ ngai tang măt akhan: tơ drong tang găn tơ drong yoch io\k yoa kơ măy kơ mo\k ‘nao ưh lăp tơ drong jang hơ dro# kơ khul linh ko\ng an đe\ch mă athei đei tơ drong vang jang tôch ai đơ\ng dôm an^h jang kơ pal, mă loi j^ bơ ngai io\k yoa kơ măy pơ vih pơ văn găh jên hu kiơ\ mang, bơ ngai yoa kơ măy kơ mo\k roi tơ băt, internet, mang tơ pôl.

Dôm bơ ngai tang măt akhan, khei ‘năr âu ki tơ drong hơ le\nh pơ dăr tơ\ mang internet đei [ôh roi to\k hăm lơ tơ drong pơ ve\r tôch hlơp, pơm ăn lơ bơ ngai pu\ răm găh jơ hngâm đon păng tơ mam drăm. Kơ lih thoi no\h, nơ\r pơ tho đơ\ng Thủ tướng tôch tơ tom vă găn le# tơ drong hơ le\nh pơ dăr lơ\m mang vă vei lăng tơ drong đei yoa, tơ mam drăm păng jơ hngâm pran kơ kon pơ lei. Bơ ngai tang măt Đỗ Đức Hồng Hà, khul Hà Nội, pơ ma hơ dăh:

“Đơ\ng dôm tơ drong hơ le\nh pơ dăr tơ\ yăn âu khei ‘năr âu ki, mă loi j^ dôm tơ drong hơ le\nh pơ dăr hlôi đei chă [ôh. Đơ\ng noh 1 păh ‘no\h vă kon pơ lei kơ chăng, jang kiơ\ dôm trong tang găn tơ drong hơ le\nh pơ dăr. Mă 2, chih hơ dăh hơ năp jang đơ\ng an^h jang vei lăng te\h đak, dôm an^h jang kơ pal vă găn le# dôm tơ drong hơ le\nh pơ dăr lăng mang păng tơ tom chă [ôh, tơ roi ăn an^h jang kơ pal dăr hơ len păng roi tơ băt dôm tơ drong sek tơ lang đei. Vă phă hai, tơ hli dôm bơ ngai tam mă pơm yoch hai”.

Khei ‘năr tơ je# âu, đei lơ ‘măng hơ le\nh pơ dăr hăm điên thoăi, tin nhắn akhan io\k đei tơ mam hơ păh gơih ăn lơ kơ so# điên thoăi; hơ le\nh an^h jang kơ pal krao điên thoăi athei kon pơ lei nôp jên lơ\m tai khoan vă hơ len năng, đơ\ng ro\ng kơ ‘no\h io\k pơ gâm hloi; io\k yoa hơ năn đe lơ\m mang tơ pôl vă hơ le\nh pơ dăr; hơ le\nh kiơ\ tơ drong răt tơ mam lơ\m mang… Bơ ngai tang măt Bùi Thanh Tùng, khul Hải Phòng athei dôm an^h tơm, an^h jang kơ pal hơ len năng dôm tơ drong jang [ôh đei tơ drong hơ le\nh pơ dăr, tơ tom chă [ôh pơ lôh, tam mă lăp vă hơ met pơ ‘lơ\ng luơ\t; kơ chăng tơ le\ch dôm tơ drong tang găn pơ đ^ tơ drong hơ le\nh pơ dăr: 

“Tơ drong jang kăch mang 4.0 to\k pran, ku\m nhen tơ drong jang to\k đơ\ng internet hrei ‘nâu ‘no\h j^ tơ drong kăl kơ jang vă pơm ‘lơ\ng ăn tơ drong jang vei lăng te\h đak; găn đ^ rim tơ drong hơ le\nh pơ dăr, pơm pơ răm truh tơ drong đei yoa bơ ngai nai. Tơ drong vei lăng gô pơih trong ăn dôm an^h jang tư phap gơ\h rôp sek tơ lang tơ drong glăi tơ\ hơ năp khôi luơ\t [ơm truh tơ drong hơ lenh pơ dăr, tơ gar io\k, pơm ưh ‘lơ\ng truh tơ drong đei yoa tro\ luơ\t đơ\ng kon pơ lei”.

Drơ\ng nơ\r hăm đon tơ che\ng âu, bơ ngai tang măt Nguyễn Thị Việt Nga, khul Hải Dương tơ [ôh hơ dăh tơ drong hơ le\nh pơ dăr lơ\m mang oei đei tôch lơ hrei ‘nâu. Hơ dai hăm hơ le\nh pơ dăr vă te\ch tơ mam ‘no\h lơ bơ ngai oei io\k tơ tông nơ\r chih tơ roi kơ dih vă gơih tin nhắn, email, krao pơ lung, roi tơ băt… Tơ le\ch nơ\r ap^nh kơlih yoa kiơ đe io\k tơ drong tơ roi kơ dih kâu bơ\n tôch [ônh thoi noh? Bơ ngai tang măt Nguyễn Thị Việt Nga athei An^h tơm vei lăng tơ drong tơ roi tơ băt jang hơ doi hăm An^h tơm vei lăng Ko\ng an đei trong vei kơ jăp păng sek tơlang tơ păt tơ drong yoch hơ le\nh pơ dăr lơ\m mang:

“Bơ\n hlôi đei Luơ\t vei sơ đơ\ng mang păng Luơ\t vei sơ đơ\ng mang đ^ tơ mât yoa lơ\m tơ drong arih bơih. Mă lei, hơ pơi ‘me\h đei 1 tơ drong tơ plih mă hơ dăh, ‘lơ\ng [iơ\. Ưh lăp [ơm truh tơ\ An^h tơm vei lăng tơ drong tơ roi tơ băt đe\ch mă oei [ơm truh tơ\ An^h tơm vei lăng Ko\ng an hai, tơ drong vang bơ\ jang hơ doi đơ\ng 2 an^h âu ‘no\h tôch kơ kăl, vă bơ\n găn đei. Băt mơ\n lơ\m chăl jang kơ măy kơ mo\k 4.0, sư gô đei lơ trong hơ le\nh pơ dăr ‘nao, đei [ôh lơ tơ drong ưh kơ lăp [ơm truh kơ măy kơ mo\k, dôm an^h jang kơ pal ku\m athei vang mât jang hơ doi mă kơ tang păng tơ tom vă pơm thoi yơ găn đei ‘lơ\ng hlo\h, vei lăng ‘lơ\ng tơ drong arih xa ăn kon pơ lei”.

Ưh lăp pơ gâm kon pơ lei đe\ch mă khul kơ dră pơ gơ\r tơ\ lơ tơ ring ku\m đei hơ le\nh pơ dăr hai. Bơ ngai tang măt Bùi Văn Xuyền, khul Thái Bình akhan: Lơ\m Luơ\t vei sơ đơ\ng mang păng Khôi luơ\t sek duh ku\m chih hơ dăh tơ drong hơ găt [ơm truh tơ drong arih xa kơ dih đơ\ng rim bơ ngai, athei vei lăng mă ‘lơ\ng tơ drong tơ roi kơ dih kơ rim bơ ngai. Mă lei, dôm an^h jang kơ pal tam mă sek tơ lang đ^ tơ\ hơ năp tơ drong jang to\k tôch pran đơ\ng mang tơ pôl. Bơ ngai tang măt Bùi Văn Xuyền athei:

“Inh tơ che\ng ‘nâu ku\m jing m^nh lơ\m dôm tơ drong athei hơ met ming, mă loi j^ An^h tơm vei lăng tơ drong tơ roi tơ băt jang hơ doi hăm An^h tơm vei lăng Ko\ng an păng kơ dih kâu kon pơ lei mưh [ôh tơ drong kiơ ‘no\h ưh kơ lăp, ưh kơ ‘lơ\ng ih athei đei trong tang găn ‘năi”.

Lại Hoa: Chih

Dơ\ng: Tơ blơ\