VOV4.Bahnar - Truh dang ei, rim Đảng [o# dêh char lơ\m te\h đak hlôi pơ gơ\r đang Hop ako\m bơ ngai tang măt jăl jang 2020-2025. Tơ\ tơ ring Tây Nguyên, lăng dơ\ng dôm trong vă jang, tơ drong vă jang đei chih lơ\m tơ drong tơ chơ\t hop ako\m, gơ\h [ôh 5 sơ năm truh, tơ ring gô đei lơ trong jang to\k mu\k drăm, tơ pôl, jo# hloi găh jang kơ măy kơ mo\k păng cho\h jang xa, mă loi ‘no\h unh hơ yuh rơ go\h. Vă gơ\h jang to\k nhen ‘me\h vă, rim đảng [o# ako\m tôch ai ăn tơ drong pơ jing, hơ met ming đảng, tơ plih ‘nao trong che\p kơ\l kiơ\ trong jang pran kơ jăp [iơ\, pơ\n tơ che\ng, pơ\n jang kiơ\, tơ [ôh hơ dăh jơ hngâm đon jang tơ năp.

Unh hơ yuh rơ go\h – unh điên kial – unh điên măt ‘năr ‘no\h j^ 1 lơ\m dôm tơ drong vă jang to\k pran, đei chih lơ\m tơ drong tơ chơ\t kơ hop ako\m, jăl jang 2020-2025 tơ\ 3 lơ\m 5 dêh char Tây Nguyên: Gia Lai, Dak Lak păng Dak Nông. Hlo\h 150 tơ drong jang pơm unh điên hăm kial păng unh điên măt ‘năr tơ\ dôm dêh char âu hlôi păng to\k bo\k đei dăr hơ len, ăn [ôh to\k kial tơ\ Tây Nguyên gơ\h pơm tơ le\ch unh điên đei kơ sư\k hlo\h 40.000 megawatt, lơ hlo\h 3 ‘măng unh điên man hăm dơ nâu đak lơ\m te\h đak.

Lơ\m dôm dêh char, Gia Lai tôch năng kăl trong jang ‘nâu. Kiơ\ [ok Hồ Phước Thành, Kơ dră An^h tơ le\ch nơ\r sơ kơ\t tơ mât jên jang, dêh char ưh lăp đei to\ kial jrăh jrai đe\ch mă oei tôch hiôk găh trong tơ lei unh điên, pơm lăp đon lơ bơ ngai tơ mât jên jang. Truh dang ei, 15 tơ drong jang lơ\m kơ so# hlo\h 100 tơ drong jang hlôi đei k^ ăn, đei kơ sư\k 1.294 Mw.

M^nh tơ drong jang unh điên măt ‘năr đei kơ jă truh kơ ti đô tơ\ apu\ng Ea Súp, Dak Lak, oei hăt jang pơ ke\h jăl 1

{ok Hồ Phước Thành akhan, trong jang to\k ‘nâu gô tơ gu\m ăn Gia Lai io\k đei lơ tơ drong ‘lơ\ng găh mu\k drăm păng cham char: “Đei yoa đơ\ng sư hơ nhăk ba ‘no\h 1 Megawatt 1 sơ năm gô tơ gop ăn te\h đak dang 300 triu hlak jên, đei jên thue# păng dôm jên tơ gop nai. Găh mu\k drăm thoi no\h ‘no\h tôch đei yoa. ‘Ngoăih kơ ‘no\h, dôm tơ drong jang âu j^ dôm tơ drong jang rơ go\h ngăl”.

Ku\m đei tơ drong pran ‘nao đei tơ le\ch jang hai, dôm dêh char Tây Nguyên đei dơ\ng tơ drong ‘lơ\ng vă pơm hơ to\k kơ jă kăp g^t đơ\ng choh jang xa. Tơ ring pơ tăm tiu, che\h phe đei plei lơ hlo\h lơ\m apu\ng plenh te\h, oei dơ\ng tơ\ hơ năp tơ drong ‘lơ\ng păng tơ drong nol hai yoa Tơ drong tơ chơ\t te\ch mơ dro EVFTA hlôi đei yoa. Tơ dăh jang tro\ ‘lơ\ng, pơm lăp hăm dôm tơ drong athei tôch dêh găh tơ mam ‘lơ\ng păng rơ đăh rơ đong đơ\ng Jơ nu\m Châu Âu, choh jang xa Tây Nguyên tôch hơ me\ng jang đei jơ nei tih.  

Tơ drong jang tih athei adrin tôch ai, hơ met pơ ‘lơ\ng đon jang hiơ\ hy^n, ưh kơ ‘lơ\ng. Vă pơm lăp hăm tơ drong jang lơ\m jăl ‘nao, đ^ jăl jang 2015-2020, Đảng [o# dôm dêh char Tây Nguyên jang tôch pơ ne\h lơ\m tơ drong pơ jing păng hơ met ming Đảng kiơ\ tơ drong tơ chơ\t Trung ương 4 (jăl XII). Vă je# 5 rơ bâu ‘nu kăn [o#-Đảng viên păng lơ an^h jang đảng tơ\ 5 dêh char đei sek ki luơ\t yoa pơm glăi dăh mă jang ưh tơ năp.

Đei pơ gơ\r hăm jơ hngâm đon pran kơ tang đơ\ng tơ drong jang hơ met ming Đảng, Hop ako\m Đảng [o# dôm dêh char Tây Nguyên jăl jang 2020-2025 hơ nơ\ng tơ [ôh hơ dăh jơ hngâm đon adrin, jang tơ năp, ưh đei pôk tơ mât dôm đảng viên ưh đei bưng ai, ưh đei jơ hngâm đon ‘lơ\ng. Nhen tơ\ Gia Lai, ‘nho\ bơ ngai jang lơ\m Khul kơ dră che\p kơ\l, Kơ dră An^h pơ gơ\r đảng dêh char đei măt lơ\m hơ năn vă pôk tơ mât dơ\ng ku\m ưh đei Hop ako\m lui, yoa adrol kơ ‘no\h sư đei pơm glăi, đei Trung ương ki luơ\t kanh kăo.

Hăm lơ đảng viên păng kon pơ lei, ‘nâu j^ tơ drong tôch hơ iă lơ\m jăl jang ‘nao, mă lei đe sư oei hơ me\ng tơ drong jang tơ iung pơ jing, hơ met ming Đảng, chă rơih hơ len đảng viên, athei jang mă pran hlo\h dơ\ng. Đảng viên Alư\ng, tơ\ th^ trơ\n Đak Đoa, apu\ng Đak Đoa akhan:

“Tơ drong rơih hơ met bơ ngai jang, đei ki luơ\t bơih ‘no\h hăm kăl chih hơ năn sư dơ\ng ưh, tơ drong ‘nâu an^h jang kơ pal hlôi jang kiơ\ nơ\r pơ tho đơ\ng Trung ương. Mă lei kơ dih kâu inh [ôh, tơ dăh jang kơ hret [iơ\ ‘no\h le# chih măt sư đơ\ng blu\ng hloi. Chih tơ mât pơm kiơ dơ\ng. Mă lei ku\m hơ nat [iơ\, yoa dơ doă ngăl, kơ na vă sut hu\t măt đơ\ng blu\ng ‘no\h ku\m tôch hơ nat”.

Hơ met ming Đảng jang tôch pran oei pơm tơ plih ‘lơ\ng tơ\ dôm dêh char Tây Nguyên, mă lei ku\m pơm tơ le\ch đon kơ chăng, hli kơ glăi, hli đei ki luơ\t tơ\ lơ kăn [o#, đảng viên, pơm tơ jur [iơ\ tơ drong đei yoa mưh bơ\ jang. {ôh hơ dăh hlo\h j^ hiơ\ hy^n lơ\m tơ drong pôk r^ hnam kon pơ lei, pơ jing plei hle tơ\ an^h man dơ nâu đak Krông Pách thượng dêh char Dak Lak. 1 ‘nu kăn [o# ăn tơ băt, lơ\m lơ tơ drong tơm mă hlôi mât lơ\m sơ năm mă 10 bơih, dơ nâu đak tơm kơ tơ drong jang 4.400 ti âu tam mă đei pôk r^ hnam kon pơ lei ‘no\h yoa kăn [o# hli kơ glăi, hli đei ki luơ\t:

“Dôm trong hru\ ‘mong, chưk pơ ‘ngoăih te\h gô đei lơ tơ drong glăi. J^ an^h pơ gơ\r hơ len năng, k^ ăn dôm trong jang, mưh inh k^ trong jang truh 40-50 ti hlak jên ‘no\h inh tôch tơ tơ\. Pơ ma tơ păt ‘nei yoa sư ưh gan rơ đăh, mă lei tơ dăh ưh jang lei, ưh gơ\h hơ to\k hre\nh tơ drong ming man, mă mưh k^ bơih tơ dăh đei tơ drong glăi ‘no\h bu pu\”.

Hăm tơ drong đei [ôh tơ\ yăn âu tơ\ Tây Nguyên păng lơ\m te\h đak, truh Hop ako\m bơ ngai tang măt ‘măng mă XVI, Đảng [o# dêh char Gia Lai, [ok Trần Quốc Vượng, Kơ dră jang lơ\m An^h tơm Chinh tr^, Kơ dră che\p kơ\l {an Bí thư pơ ma truh rim tơ drong jang hơ met ming Đảng păng an^h jang chinh tr^. ‘No\h j^ pơm hơ to\k tơ drong ‘lơ\ng mưh bơ\ jang dăr hơ len, tang găn xa pơ j^p, pơ huach kư\ kă; kơ chăng jang mă pran, pơ\n tơ che\ng, pơ\n jang kiơ\ mă tơ păt ‘lơ\ng păng đon jang tơ năp hai, hơ to\k jơ hngâm đon yak hơ drol đơ\ng kăn [o#, đảng viên, blu\ng a j^ bơ ngai che\p kơ\l.

Đảng bơ\n pơ ma hơ dăh: kăn [o# j^ tơm dơ nơm rim tơ drong. Tơ drong jang tơ iung pơ jing Đảng, an^h jang chinh tr^ ‘no\h j^ tơ drong tơm vă gơ\h năm truh tơ drong jơ nei. Tơ drong ‘no\h vă akhan, tơ drong tơm âu athei jang mă hơ be\ch hơ băl gơ\h pơih, gơ\h ch^t, Tây Nguyên gô tơ iung đei jơ hngâm pran, jang đei dôm tơ drong ‘lơ\ng oei đei hrei ‘nâu.

Đình Tuấn: Chih

Dơ\ng: Tơ blơ\