VOV4.Bahnar - Pơ ma lơ\m Hop ako\m trư\k tuye#n lơ\m te\h đak pơ tôch tơ drong jang krao hơ vơn kon pơ lei păng hơ len năng dôm tơ drong jang đei đơ\ng “Sơ năm krao hơ vơn Khul kơ dră tơ ring” 2019, tơ le\ch tơ drong jang sơ năm 2020 pơ gơ\r [ât hơ tuch gie\ng âu ki, Thủ tướng Nguyễn Xuân Phúc pơ ma hơ dăh, kon pơ lei hlôh vao, tơ gu\m Đảng, Te\h đak, mă lei khul kơ dră tơ ring athei pơ ma tro\, sek tơ lang tro\ dôm tơ drong đơ\ng kon pơ lei, mă ưh kơ s^ tơ le\ch nơ\r athei, pơ go\. Ưh gơ\h veh hơ tăih kon pơ lei, jang ưh tơ năp, pơ go\ pơ ‘nep, mă athei tơ blang mă tro\, mă lăp vă kon pơ lei hlôh vao, tơ gu\m ăn trong jang đơ\ng Đảng, Te\h đak.

Kiơ\ hla ar chih tơ roi lơ\m hop ako\m, sơ năm âu ki, đei hlo\h 478.000 ‘nu kon pơ lei năm truh tơ\ an^h jang kơ te\h đak vă tơ kêng, tơ hlâu, pơ truh nơ\r pơ ma, ap^nh, to\k 4,3% pơ têng hăm sơ năm 2018. Dôm an^h jang kơ te\h đak sek tơ lang đei 86% tơ drong tro\ hơ năp jang đơ\ng kơ dih. Kiơ\ đơ\ng sek tơ lang tơ drong tơ kêng, hlôi tơ le\ch nơ\r athei io\k pơ dreu ăn te\h đak, pơ dreu ăn tơ pôl, kon pơ lei hlo\h 205 ti hlak jên, 24 ha te\h, vei lăng ‘lơ\ng tơ drong đei yoa ăn vă je# 1.890 khul tơ pôl, kon pơ lei, gơih ăn an^h dăr hơ len pơm hơ dăh 20 tơ drong.

Ku\m gơ nơm đơ\ng tơ drong jang krao hơ vơn bơ ngai Việt Nam tơ\ te\h đak đe, sơ năm âu ki, jên đơ\ng bơ ngai oei tơ\ te\h đak đe gơih vih tơ\ te\h đak bơ\n to\k hre\nh, đei vă je# 16,7 ti USD, lơ hlo\h đơ\ng sơ\ truh dang ei. Dang 3.000 an^h te\ch mơ dro bơ ngai Việt Nam tơ\ te\h đak đe tơ mât jên jang xa tơ\ Việt Nam. 1 sơ năm dang 500 ‘nu bơ ngai rơ gei, đei ho\k jru\ găh lơ tơ drong vih tơ\ te\h đak vang jang lơ\m dôm tơ drong jang khoa ho\k kơ măy kơ mo\k, pơ tho pơ hrăm.

Pơ ma lơ\m hop ako\m, Thủ tướng Nguyễn Xuân Phúc tơ che\ng ‘lơ\ng dôm tơ ring, an^h jang kơ pal đei lơ trong jang hơ iă, rơ gei, đei yoa lơ\m Sơ năm krao hơ vơn Khul kơ dră pơ gơ\r 2019 păng akhan, lơ trong jang, trong jang hơ iă j^ [ai ho\k ‘lơ\ng vă pơih xă tơ\ hơ năp kơnh. Pơ ma dơ\ng dôm tơ drong jơ nei tih lơ\m te\h đak sơ năm âu ki, ku\m hăm jang ato\k tơ iung mu\k drăm ‘no\h j^ vei sơ đơ\ng tơ drong arih xa tơ pôl đei jang ‘lơ\ng ‘năi, mă loi ‘no\h kơ so# bơ ngai tơ nuh jur, tơ drong arih xa kơ kon pơ lei roi to\k, Thủ tướng pơ ma hơ dăh, kon pơ lei tôch hơ iă, lăp đon găh tơ drong ‘nâu hăm jơ hngâm đon chơt hiôk păng lui kơ Đảng, Te\h đak:

“Lơ\m tơ drong adrin đơ\ng rim an^h jang chinh tr^, hăm tơ drong pơ gơ\r đơ\ng Đảng, ‘no\h ưh gơ\h hiơt tơ drong jang krao hơ vơn kon pơ lei. Đei kon pơ lei tơ gu\m, jang kiơ\ ‘mơ\i mă gơ\h jang đei. Inh ‘me\h pơ ma hơ dăh, đ^ đăng kon pơ lei păng đ^ đăng khul linh bơ\n, dơ\ng đơ\ng ro\ng tơ gu\m ăn tơ drong adrin đơ\ng an^h jang chinh tr^ lơ\m tơ drong tang găn xa pơ j^p, jang tơ bôl păng vei kơ jăp tơ drong pơm tơm te\h đak tơ\ hơ năp tơ drong kơ hret tơ\ đak dơ s^ Biển Đông, hăm jơ hngâm đon rơ gei, jang kiơ\ luơ\t apu\ng plenh te\h păng tơ bôl. Dôm tơ drong jang đei ‘lơ\ng găh mu\k drăm, tơ pôl, khul linh, vei sơ đơ\ng te\h đak, jang tơ bôl tơ [ôh sơ năm âu ki j^ sơ năm đei lơ tơ drong, nhen vă akhan, “{ônh dang yơ ưh đei kon pơ lei ku\m ưh kơ jing, mơ mat tat, hơ nat hơ not dang yơ đei kon pơ lei vang jang ku\m ke\h ngăl”.

Mă lei, kiơ\ Thủ tướng, tơ drong jang krao hơ vơn kon pơ lei oei đei lơ tơ drong tam mă ‘lơ\ng hơ iă ‘năi, nhen lơ an^h jang păng bơ ngai che\p kơ\l tam mă băt hơ dăh tơ drong g^t kăl đơ\ng krao hơ vơn kon pơ lei, ưh đei pơ ngơ\t truh tơ drong lăp đon, pôm [ơ\r đon kơ kon pơ lei mưh bơ\ jang kiơ\ dôm trong jang tih đơ\ng te\h đak păng lơ\m tơ drong jang rim năr. Oei đei tơ drong jang ưh tơ năp, pơ go\ pơ ‘nep, ưh ‘lơ\ng, ưh đei mơ\ng hơ dăh, hlôh vao nơ\r pơ ma đơ\ng kon pơ lei. 1 păh khul kơ dră che\p kơ\l, kăn [o#, bơ ngai jang kơ te\h đak jang tam mă tơ năp, pơm glăi luơ\t. Tơ drong sơng kon pơ le lơ an^h jang tam mă tro\ nơ\r hơ găt, oei nhen pơm ngôi đe\ch. Kiơ\ Thủ tướng, bơ ngai sơng kon pơ lei athei dơ\ng tro\ an^h bơ ngai chih hla ar tơ kêng ‘no\h gơ\h hlôh vao tơ drong hơ pơ ‘me\h đơ\ng kon pơ lei.

Găh tơ drong jang krao hơ vơn kon pơ lei sơ năm 2020, Thủ tướng akhan, ‘nâu j^ sơ năm te\h đak đei lơ tơ drong g^t kăl, kơ na tơ drong krao hơ vơn kon pơ lei athei ‘moi kiơ\ tơ drong tơ chơ\t đơ\ng Khul kơ dră te\h đak găh trong vă jang ato\k tơ iung mu\k drăm, tơ pôl, kiơ\ jơ hngâm đon “Jang tơ năp, tơ păt ‘lơ\ng, rơ gei đei yoa”. Khul kơ dră dôm tơ ring  athei hue lăng truh tơ\ kon pơ lei, pơ ngơ\t ăn kon pơ lei, oei xa kơ jăp hăm kon pơ lei, sek tơ lang tro\ tơ drong pơ vei oei hơ dai kơ jăp đơ\ng kon pơ lei păng an^h jang kơ te\h đak.

Thủ tướng oei pơ ma hơ dăh, tơ dỏng jang krao hơ vơn kon pơ lei ưh kơ s^ tơ drong jang đơ\ng An^h krao hơ vơn kon pơ lei đe\ch mă đ^ đăng an^h jang, tơ ring tơ rang, khul gru\p athei vang jang hai. Krao hơ vơn kon pơ lei ưh lăp pơ lung kon pơ lei jang kiơ\ đe\ch mă athei hơ to\k tơ drong pơ vih pơ văn ăn kon pơ lei, bơ\ jang yoa tơ drong đei yoa kơ kon pơ lei, vei lăng jơ hngâm pran păng tơ mam drăm kon pơ lei. Krao hơ vơn kon pơ lei athei jang tơ pă, đ^ jơ hngâm, ‘no\h j^ tơ drong pơ ma xa rơ gei, ‘no\h j^ jơ hngâm đon kăch mang đơ\ng đe kăn [o#, đảng viên. Yoa thoi noh, đơ\ng tơ drong rôp ti truh pơ ma xa athei đei đơ\ng jơ hngâm đon ‘mêm băt, jơ hngâm đon kăch mang, pơ ma xa gơ\h, hơ gei. ‘No\h j^ tơ drong kăl hlo\h hăm kon pơ lei.  

Thủ tướng pơ ma hơ dăh dơ\ng, tơ drong krao hơ vơn kon pơ lei ‘lơ\ng mă lei athei vei kơ jăp tơ drong hơ găt, luơ\t te\h đak, kon pơ lei pơm tơm ‘lơ\ng mă lei athei vei kơ jăp tơ drong jang kiơ\ luơ\t. Ưh gơ\h le# đei tơ drong kon pơ lei ưh đei pơm tơm, mă lei ku\m ưh gơ\h le# đei tơ drong tơ su\l tơ săl, mă loi j^ hăm 1 kơ so# bơ ngai, 1 kơ so# khul gru\p đei đon kơ ne#, chă trong pơm tơ ble\k jơ hngâm tơ pôl. Kăl hlo\h ‘no\h, Thủ tướng athei, ưh gơ\h lăng pơ hơi dôm tơ drong ie\, mưh le# đei lơ tơ drong ie\ sư gô pơm tơ le\ch jing tơ drong tih kơ na bơ\n athei ‘moi kiơ\ tơ drong krao hơ vơn, roi tơ băt vă kon pơ lei hlôh vao, tơ gu\m ăn.

Vũ Dũng: Chih

Dơ\ng: Tơ blơ\