VOV4.Bahnar - Kơsơ\ bre\i, năr 14/1, tơ\ dêh char Dak Nông, Thủ tướng Nguyễn Xuân Phúc vang năm Hop ako\m Pơtru\t tơmơ\t jên jang dêh char Dak Nông 2019. Hăm anăn kơ Hop ako\m ‘no\h “Dak Nông – Tơdrong hơ iă păng rơvơn tơmơ\t jên jang”, Hop ako\m hlôi hơvơn đe\i dang 1.000 ‘nu bơngai tang măt vang năm, lơ\m au đe\i dang 700 ‘nu bơngai tơmơt jên jang.

‘Nau tơring blu\ng a Thủ tướng vang năm Hop ako\m pơtru\t tơmơ\t jên jang lơ\m sơnăm au hăm ‘me\h vă hơvơn đe\i lơ bơngai tơmơ\t jên jang lơ năm tru\h hăm Dak Nông, Tây Nguyên. Chă hơlêm hăm dôm tơdrong tơnap tap đe\i [o#h kơ Tây Nguyên, mă le\i Thủ tướng akhan, tơdrong hơ iă đe\i vă ato\k tơ iung kơ Dak Nông ‘no\h tôch t^h tên. Kơ yuơ lơ lo\h, Dak Nông kăl hu\t hloi tơdrong kơdơ\ găh tơnap tap dăh mă ư\h kơ ato\k tơ iung vă đơ\ng no\h đe\i m^nh jơhngơ\m đon tơche\ng, jơhngơ\m ‘me\h vă kơtang hlo\h lơ\m tơmơ\t jên jang ato\k tơ iung. Tơdrong hơvơn đe\i bơngai tơmơt jên jang gô jing g^t kăl hlo\h vă Tơbăt 15 sơnăm năm pơjing dêh char Dak Nông.

Kơtă tơ\ hop ako\m au hloi, Dơno\ an^h ve\i lăng kon pơlei dêh char hlôi pơjao ăn hal bơar drơ\ng nơ\r tơmơ\t jên jang ăn rim bơngai tơmơt jên jang hăm ako\p kon jên tơmơ\t jang dang 2.600 ti hlak jên; rim drơ\ng m^nh nơ\r păng hla bơar ch^h tơblo\k jang hơdoi tơmơ\t jên jang kơ jă vă je# 47.000 ti hlak jên.

Tơblơ\ nơ\r: Amazưt