VOV4.Bahnar - Pơgê năr 20/8, Thủ tướng Tĕh đak hlôi tơlĕch tơdrong tơchơ̆t găh tơlĕch ƀơk ăn phe đơ̆ng hơnĭh mong răk Tĕh đak ăn 24 dêh char, pơlei tơm găh Trung ương vă tơgŭm ăn kon pơlei tơnap tap kơ yuơ jĭ hơbŭh Covid-19 pơrăm. Thủ tướng Tĕh đak tơchơ̆t athei Dơnŏ anĭh tơm jang jên hu tơlĕch ƀơk ăn đĕch hlŏh 130.000 tân phe đơ̆ng Hơnĭh mong răk Tĕh đak tơgŭm ăn 24 dêh char, pơlei tơm găh Trung ương vă tơgŭm ăn kon pơlei tơƀơ̆p tơnap tap đơ̆ng jĭ hơbŭh Covid-19 pơrăm ‘nŏh đei: Dak Lăk, Dak Nông, Đồng Tháp, Tây Ninh, Cà Mau, Vĩnh Long, Long An, Kiên Giang, Trà Vinh, Khánh Hòa, Bình Dương, Bến Tre, Bình Định, An Giang, Nghệ An, Tiền Giang, Đồng Nai, Bà Rịa-Vũng Tàu , Phú Yên, Đà Nẵng, Cần Thơ, Bình Thuận, Ninh Thuận păng pơlei tơm Hồ Chí Minh. Dơnŏ aĭh vei lăng kon pơlei rim dêh char, pơlei tơm au chĭu pŭ tơdrong chĭh hơlen kơsô̆ măt bơngai, ŭnh hnam vă tơgŭm hlôi đei chĭh pơtrŭh ăn kơdră kơpal păng bơ̆ jang tơgŭm djru tơtom, ƀlep bơngai, ƀlep lơ tŏ sĕt dôm yơ kiơ̆ tơdrong tơchơ̆t păng trŏ lăp hăm bơ̆ jang tang găn jĭ hơbŭh tơ̆ tơring.

Tơblơ̆ nơ̆r: Amazưt