VOV4.Bahnar - Kơ dră teh đak Nguyễn Xuân Phúc ‘nao kĭ Tơ chơ̆t găh tơ drong asong tơ mam ăn 1,2 ‘nu bơ ngai đei kŏng hăm kach mang ƀlep ƀơ̆t năr Tết Nguyên đán Nhâm Dần sơ năm 2022. Kiơ̆ kơ ‘noh, jên tơ mam 600 rơ bâu hlak jên asong ăn bơ ngai đei kŏng hăm kach mang, ‘noh; Bơ ngai bơ̆ jang kach mang hơ drol kơ ‘năr 01 khei 01 sơ năm 1945 tŏk bŏk sa jên tơ gŭm rim khei; Bơ ngai bơ̆ jang kach mang đơ̆ng ‘năr 01 khei 01 sơ năm 1945 truh năr iung tơ blăh khei 8 sơ năm 1945 tŏk bŏk sa jên tơ gŭm rim khei; Mĕ Việt Nam nŭih mơng tŏk bŏk sa jên tơ gŭm rim khei; Khŭl linh kon pơ lei nŭih mơng, Bơ ngai jang nuih mơng lơ̆m khei ‘năr tơ blăh vang tŏk bŏk sa jên tơ gŭm rim khei; Linh jĭ rơ ka, bơ ngai sa jên tơ gŭm nhen linh jĭ rơ ka, linh jĭ rơ ka kơ loăi B, linh jĭ rơ ka lơ̆m hơ kâu đơ̆ng 81% tơ̆ kơ pal tŏk bŏk sa jên tơ gŭm rim khei... Ŭnh hnam linh lôch dŏng teh đak tŏk bŏk sa jên tơ gŭm lôch rim khei kŭm iŏk đei jên tơ mam 600 rơ bâu hlak jên. Kơ sô̆ jên tơ mam 300 rơ bâu hlak jên asong ăn 1,2 ‘nu bơ ngai đei kŏng hăm kach mang nai.

Thuem: Tơ blơ̆