VOV4.Bahnar - Tơ\ te\h đak bơ\n, truh dang ei, kơ so# bơ ngai băt chư đơ\ng 15 truh 60 sơ năm ‘no\h đei 97,6%, vă lăp hăm tơ drong ‘me\h vă đơ\ng Tơ dỏng jang sut pơ đ^ ưh kơ băt chư truh sơ năm 2020 đơ\ng Khul kơ dră te\h đak tơ le\ch bơih. Kiơ\ tơ drong jang âu, lơ tơ ring bơ\ jang lơ trong krao hơ vơn bơ ngai ‘lo\ năm ho\k tơ\ dôm lăm xoă mu chư, hăm tơ drong vang jang đơ\ng lơ khul gru\p lơ\m tơ pôl.

Rim sơ năm, đei dang 18 triu ‘nu bơ ngai vang năm ho\k tơ\ dôm lăm pơ tho pơ hrăm, dôm an^h pơ tho ho\k lơ\m tơ pôl vă huei hiơt hiong chư. Mă loi, tơ drong pơ tho nơ\r pơ ma, chư chih kơ dôm hơ dre\ch kon kông oei tôch tơ re\k. Dang ei Việt Nam oei tơ le\ch trong pơ tho păng ho\k 8 nơ\r kon kông tơ\ dôm tơ ring kon pơ lei kon kông oei.

Dơ\ng: Tơ blơ\