VOV4.Bahnar - Gơ măng ‘năr 9/1, Jơ nŭm vei lăng tơ gŭm Anih mong jên  vei lăng hơ ioh Việt Nam (Anih tơm vei lăng găh bơ ngai jang - linh jĭ rơ ka păng tơ pôl) pơ gơ̆r tơ drong jang joh ayŏ kơ dŏ soang "Pơ yan puih mak ăn kơ oh” ‘măng mă 15. Pơ ma tơ̆ tơ drong jang, Phŏ Kơ dră teh đak Võ Thị Ánh Xuân chih iŏk păng pôk pơ ư dôm jơ hngơ̆m đon ‘mêm mơ nat, dôm tơ drong jang chă tơ gŭm đơ̆ng rim anih jang, khŭl jang, kơ dih lơ̆m păng ‘ngoăih teh đak hlôi ling lang yak hơ dai, tơ gŭm Anih mong jên vă vei lăng hơ ioh. Tơ̆ tơ drong jang, rim anih jang, khŭl grŭp, anih jang mơ dro sa, bơ ngai đei jơ hngơ̆m đon ‘mêm mơ nat hlôi pơ jao asong jên tơ gŭm hơ ioh mơ mat tat ‘moi kiơ̆ Anih mong jên vei lăng hơ ioh Việt Nam, hăm kơ sô̆ jên hloh 104 ti hlak jên. Hloh 14 ‘măng pơ gơ̆r, tơ drong jang hlôi hơ vơn đei hloh 1 rơ bâu 200 ti hlak jên păng tơ gŭm ăn dang 1 triệu ‘nu hơ ioh ‘moi kiơ̆ rim tơ drong jang pha ra băl. Tơ drong jang “ Pơ yan puih mak ăn kơ oh” ‘măng mă 15, sơ năm 2022, hăm hơ năn “Yua kơ năr dơ ning ‘lơ̆ng rŏ”, vă tơ gŭm hơ ioh đei ƀơm ưh kơ ‘lơ̆ng đơ̆ng jĭ COVID-19.

Thuem: Tơ blơ̆