VOV4.Bahnar - An^h tơm vei lăng dơ nâu đak ‘nao pơ tôch tơ drong dăr găh tơ drong jang vei sơ đơ\ng ăn dơ nâu đak tơ\ dôm dêh char Tây Nguyên. Kiơ\ đơ\ng ‘no\h ăn [ôh, tơ drong tơ to\ đon ‘no\h j^ kơ hre\ng dơ nâu mong đak găh công ty tơm jang che\h phe Việt Nam (đei lơ tơ\ dêh char Dak Lak) đ^ so ngăl bơih mă lei tam mă đei hơ met ming. Tơ drong ‘nâu athei hơ met thoi yơ?

{ok Dương Quang Cường – Kơ dră che\p kơ\l Công ty TNHH MTV jang che\h phe Ea H’Nin (găh công ty tơm jang che\h phe Việt Nam) ăn tơ băt, dang ei an^h sư oei vei lăng 7 to\ dơ nâu đak. Dôm dơ nâu đak âu đei man đunh kơ âu hlo\h 20 sơ năm, đei lơ dơ nâu bơ\ găn bơ nơ\ hăm te\h, ưh đei man găn hăm [ê tông, đ^ so tôch kơ krê, mă lei ưh đei jên vă hơ met. Krê hlo\h j^ dơ nâu mong đak tơ\ xăh Ea Ning, apu\ng Cư Kuin, dêh char Dak Lak đei kon pơ lei tơ gar io\k, sir sơ lu\ng rong ka tơ\ hơ la jâng dơ nâu đak, tôch hơ mơt. 

“Dôm dơ nâu đak âu đei man adrol kơ sơ năm 1990 sơ\ ngăl, truh dang ei đ^ so ngăl bơih. An^h jang đei măt lơ\m tơ drong hơ met ming, tơ plih ‘nao păng vă tơ klăh le# dơ\ng, jên vă jang tôch mơ mat. Dôm tơ drong hơ găt găh dơ nâu đak ‘no\h nhôn tam mă jang đei, oei đei lơ tơ drong ưh kơ lăp. Đ^ đăng dơ nâu đak chă pơm kơ dih ngăl, đak xa bơ nơ\ ku\m đei hai. Truh dang ei đ^ đăng so ngăl bơih, kăl đei pơm hơ met ming dơ\ng. Tơ dăh ‘mi đunh ‘no\h tôch kơ krê, đak to\k tih [iơ\ lei gô pơm ăn dơ nâu pơ chăh hloi”.

Nhen thoi no\h mơ\n, dơ nâu mong đak Ea Puôr kơ Công ty TNHH MTV jang che\h phe Ea Ktur (tơ\ xăh Ea Ning, apu\ng Cư Kuin mơ\n) đei pơm đơ\ng sơ năm 1989, đ^ vă so dêh bơih. ‘Măng pơ cho\h jang tơ\ hơ la ch^t ưh kơ kle\p kơ na đak ro le\ch tơ\ ‘ngoăih tôch lơ. Truh pơ yan ‘mi, đak blai bơ nơ\, đak xa te\h tôch jru\, pơm ăn jâng bơ nơ\ ưh kơ jăp, tôch krê pơ chăh, tôch hơ mơt.    

Kơ dră che\p kơ\l An^h vei lăng dơ nâu đak năm dăr lăng nơ nâu mong đak tơ\ apu\ng Cư Kuin, dêh char Dak Lak

Kiơ\ công ty tơm jang che\h phe Việt Nam, an^h dang ei đei 125 to\ dơ nâu đak, mă lơ j^ tơ\ dêh char Dak Lak. Vă rim dơ nâu mong đak âu đei man đơ\ng kơ âu đơ\ng 20 truh 30 sơ năm, lơ\m no\h dang 2/3 dơ nâu đak man ưh đei hla ar ]hơ\; tơ tă đơ\ng mir đak lar man kơ dih ngăl, ưh đei trong vei lăng, pơ ro đak. {ok Lê Thế Chỉ - Pho\ kơ dră che\p kơ\l công ty tơm jang che\h phe Việt Nam akhan, dôm j^ sơ năm ‘nâu, an^h jang ưh đei jên vă hơ met ming dôm dơ nâu đak âu; tơ drong vei lăng đak oei đei lơ tơ drong ưh kơ lăp:

“Tôch lơ dơ nâu đak vă so ngăl bơih. Rim sơ năm, tơ drong jang vei lăng, tơ pă ‘nei dôm dơ nâu je# dôm khul jang ‘no\h pơ jao ăn che\p kơ\l khul klăih song ăn bơ ngai đei hnam je# dơ nâu ‘no\h vei lăng, nhen thoi thuê ko\ng đe\ch, đei tơ drong kiơ ‘no\h athei roi tơ băt hloi. Bơ\ jang thoi no\h đe\ch ưh kơ đei khul vei lăng ‘lơ ‘lo\, ưh tôm ki thuơ\t. Nhen nơ\r athei đơ\ng an^h jang kơ pal, công ty tơm jang che\h phe Việt Nam ưh đei jên vă bơ\ jang”.

Tơ\ dêh char Dak Lak hrei ‘nâu đei vă je# 780 to\ dơ nâu đak, lơ\m no\h đei 333 dơ nâu đak tih hlôi đei pơ jao ăn Công ty TNHH MTV vei lăng dơ nâu đak io\k vei, kơ so# oei đei dơ\ng pơ jao ăn Dơ no\ an^h vei lăng kon pơ lei apu\ng io\k vei. {ok Mai Trọng Dũng – Pho\ Kơ dră vei lăng tơ drong cho\h jang xa păng ato\k tơ iung tơ ring tơ rang dêh char Dak Lak ăn tơ băt, lơ dơ nâu đơ\ng Công ty tơm jang che\h phe Việt Nam đ^ so, hư bơih mă lei ưh đei jên vă pơm hơ met, kơ na tôch kơ krê.

“Dôm dơ nâu đak đơ\ng công ty tơm jang che\h phe Việt Nam, dôm sơ năm tơ je# âu ưh kơ đei jên vă man hơ met. Dôm công ty jang che\h phe găh sư akhan, dang ei ưh kơ đei jên, ap^nh pơm hơ met pơ gia ku\m kơ đei, yoa thoi no\h dơ nâu hư tôch krê. Đei lơ dơ nâu, rim ‘măng ‘mi jur nhôn athei jang hơ doi hăm khul kơ dră tơ ring, [ât lăp chơ ba [ao chuơh bơ\ găn vă đak huei blai, mă lei hư tôch dêh bơih”.

‘Nao âu, đơ\ng ro\ng kơ dăr hơ len păng bơ\ jang hăm kơ dră che\p kơ\l dêh char Dak Lak [ok Nguyễn Văn Tỉnh, Kơ dră che\p kơ\l An^h tơm vei lăng dơ nâu đak tơ [ôh đon pơ ngơ\t tơ\ hơ năp tơ drong so đơ\ng dôm dơ nâu đak tơ\ tơ ring, lơ\m no\h đei lơ dơ nâu yoa công ty tơm jang che\h phe Việt Nam vei lăng.

Đei lơ dơ nâu đak găh Công ty tơm jang che\h phe Việt Nam bơ\ găn hăm te\h, đ^ so bơih mă lei ưh đei jên vă hơ met

{ok kơ dră athei dêh char Dak Lak păng Công ty tơm jang che\h phe Việt Nam hơ met jên vă pơm hơ met dôm dơ naua đak kăl, drơ\ng nơ\r pơ jao dơ nâu đak ăn tơ ring vei lăng, io\k yoa vă gơ\h vei lăng sơ đơ\ng ‘lơ\ng:

“Hơ năp vei lăng sơ đơ\ng ăn dơ nâu đak ‘no\h j^ găh dơ no\ an^h vei lăng kon pơ lei dêh char. Mă đơ\ng tơ ‘ngla sư j^ Công ty tơm jang che\h phe ră mă lei Dơ no\ an^h vei lăng kon pơ lei dêh char athei vei lăng sơ đơ\ng dơ nâu ‘no\h. Dơ nâu mong đak tih ‘no\h bơ\n [ôh sơ đơ\ng jơ hngâm [iơ\, oei kơ loăi ie\, mă loi tơ\ Dak Lak ‘no\h ưh kơ sơ đơ\ng kiơ. Dơ nâu đak ie\ mă lơ ‘no\h pơ jao ăn apu\ng, xăh, mă 2 j^ công ty tơm jang che\h phe vei lăng. Nhôn tôch pơ ngơ\t mưh pơ jao ăn dôm an^h âu vei lăng, nhôn ku\m [ôh sư ưh ke\ bơ\ jang kiơ\ tơ drong hơ găt. Tơ drong ‘nâu athei hơ to\k tơ drong vei lăng, lăp pơ jao ăn an^h yơ ke\ vei lăng, ưh ke\ vei lăng ‘no\h ưh gơ\h pơ jao”.     

Pơ yan ‘mi truh bơih, kơ hre\ng dơ nâu mong đak tơ\ dêh char Dak Lak so ưh kơ jăp, lơ\m no\h đei truh dôm j^t to\ dơ nâu pơm tơ\ an^h tôch krê, ưh đei pha kiơ kơ dôm tơ pu mong đak tih oei cho# hơ tol dơ du\ng kơ pal kơ\l. Khul kơ dră tơ ring, an^h jang kơ pal păng Công ty tơm jang che\h phe Việt Nam athei jăh tơ le\ch trong jang tơ jră tơ tom, atu\m hăm ‘no\h đei trong vei lăng truh ning mônh hai, vă vei lăng ‘lơ\ng ăn dơ nâu hai, pơm lăp hăm tơ drong ‘me\h vă pơ ro, tơ ruih đak măh mai ăn rim kơ loăi ‘long pơ tăm hai.

            Quốc Học: Chih

Dơ\ng: Tơ blơ\