VOV4.Bahnar - Dôm sơ năm âu ki, lơ\m tơ drong “pơ jei băl” man hnam kơ măy unh điên tơ\ apu\ng tơ nuh Đăk Glei, dêh char Kon Tum đei truh 11 tơ drong jang ako\m đ^ đăng kơ sư\k truh 150MW. Dêh char Kon Tum hơ me\ng dôm tơ drong jang âu gô io\k đei tơ drong ‘lơ\ng, ato\m tơ iung mu\k drăm tơ pôl tơ\ apu\ng tơ nuh Đăk Glei. Mă lei truh dang ei hlo\h 10 sơ năm đ^ hlôi bơih ‘nao lăp đei 1 hnam kơ măy đe\ch man đang, hăm kơ sư\k lăp 7MW. Dôm tơ drong jang man hnam kơ măy unh điên nai bơ\ jang hiơ\ hy^n, “mă ưh ‘no\h oei pơ dơ\h jang”, [ât lăp tôch krê jing tơ drong răm.

Hơ nơ\ng lơ\m lơ ‘măng hop ako\m Jơ nu\m pơ gơ\r kon pơ lei dêh char Kon Tum, bơ ngai tang măt Y Thanh, Phó Bí thư Đảng apu\ng Đăk Glei jet hơ len An^h vei lăng jang kơ măy, te\ch mơ dro kơ dêh char âu găh dôm tơ drong ưh kơ lăp đơ\ng tơ drong jang man hnam kơ măy unh điên Đăk Mi 1 yoa Công ty jang hơ doi Quang Đức Kon Tum pơm tơ ‘ngla tơ mât jên jang. Kiơ\ yă Thanh, hlo\h 10 sơ năm âu ki, tơ drong Công ty ưh đei pơ gơ\r bơ\ jang hlôi tu\n tơ drong arih xa kơ kon pơ lei lơ\m tơ ring đei che\ng io\k te\h vă man hnam kơ măy huo\ng lơ\m tơ drong tôch mơ mat:

“Tơ drong jang âu bơ\ jang [ơm ưh ‘lơ\ng truh 32 unh hnam kon pơ lei tơ\ plei Kon Năng păng Bê Rê, xăh Đăk Choong. Dang ei dôm unh hnam âu ‘me\h pơm hnam vă gơ\h arih xa sơ đơ\ng ‘no\h dôm an^h âu đ^ che\ng tơ mât lơ\m tơ ring te\h vă man hnam kơ măy bơih. Tơ drong jang pơ jing plei hle ăn kon pơ lei truh dang ei ku\m ưh đei bơ\ jang nhen nơ\r pơ kăp hăm kon pơ lei. Hăm kơ dră che\p kơ\l Công ty dang ei ưh đei măt tơ\ an^h ming man, tôch mơ mat ăn tơ ring ‘me\h jang hơ doi vă sek tơ lang pơ ‘lơ\ng dôm tơ drong tơ to\ đơ\ng kon pơ lei.”

An^h pơ gơ\r vei lăng hnam kơ măy unh điên Đăk Mi 1 tang ‘măng đơ\ng đunh sơ năm ‘nâu

Dôm tơ drong oei đei tơ\ an^h man hnam kơ măy unh điên Đăk Mi 1 tơ\ xăh Đăk Choong, apu\ng Đăk Glei oei kơ ne# hlo\h dơ\ng pơ têng hăm nơ\r pơ ma mă bơ ngai tang măt Jơ nu\m pơ gơ\r kon pơ lei dêh char Kon Tum Y Thanh tơ roi. {ât ‘năr to\ tôch dêh kơ pơ yan he, lơ unh hnam athei pôk hnam oei tơ\ nai chă pơm păi hnam pơ gia tơ khio\r tơ khiônh. Hlo\h 10 sơ năm âu ki mă đơ\ng hnam so, hiăh hiok, kon pơ lei ku\m ưh gơ\h man hnam yoa tơ hlăk [ơm hnam kơ măy unh điên, ku\m hăm ‘no\h j^ tơ drong jang xa ku\m dơ\ng 1 [ôt ‘năi. Hơ nơ\ng hơ nong gô chang đe pơ jing plei hle, tơ drong arih xa kơ 32 unh hnam tơ\ 2 pơ lei Kon Năng păng Bê Rê roi đunh roi mơ mat.

‘Nho\ng A Chép, [ok pơ gơ\r plei Kon Năng ăn tơ băt: “Lơ\m 10 sơ năm âu ki dơ nâu đak đơ\ng Công ty bơ\ găn [ơm ưh ‘lơ\ng, kon pơ lei ưh gơ\h pơ tăm ‘long đunh sơ năm bơih. Công ty ku\m jang hơ doi hăm xăh jur tơ\ pơ lei chih hla ar, che\ng hơ met te\h vă chưk pơ ‘ngoăih ăn pơ lei. Mă lei pơ kă đơ\ng khei ‘nâu truh khei to, hơ nơ\ng truh dang ei tam [ôh chưk hơ met te\h ăn pơ lei vă pơm hnam. Dang ei hnam mih ma duch nă so so\ch, hư pơ chăh tôch dêh lơ\m 10 sơ năm oei tam đei pơm hơ met”.

Lơ hnam hiăh hiok kơ kon pơ lei tơ\ plei Kon Năng

Lơ\m 11 tơ drong jang man hnam kơ măy unh điên tơ\ apu\ng Đăk Glei ‘no\h 8 tơ drong jang đei trong tơ mât jên jang, hăm kơ sư\k hlo\h 137MW păng 3 tơ drong jang tam đei trong tơ mât jên jang, đei kơ sư\k 15MW. Truh dang ei hlo\h 10 sơ năm, tơ\ apu\ng âu lăp 1 tơ drong jang man hnam kơ măy unh điên Đăk Bru 1, tơ\ xăh Đăk Nhoong đei kơ sư\k 7MW hlôi man đang păng tơ mât yoa. Dôm tơ drong jang oei đei dơ\ng tơ tă jang hiơ\ ngăl, “mă ưh ‘no\h oei pơ dơ\h jang”, [ât lăp tôch krê jing tơ drong răm.

Đei truh 3 hnam kơ măy unh điên pơm tơ\ tơ ring, Đăk Choong j^ xăh pu\ răm dêh hlo\h đơ\ng tơ drong che\ng io\k te\h, tơ le\ch jên man hnam kơ măy unh điên pơm tơ le\ch tơ\ apu\ng Đăk Glei. {ât mă 2 tơ drong jang man hnam kơ măy Đăk Mi 1, Đăk Mi 1A yoa Công ty jang hơ doi Quang Đức Kon Tum pơm tơ ‘ngla tơ mât jên jang, đei kơ sư\k truh 95MW oei pơ dơ\h jang, ming man hlo\h 10 sơ năm ‘nâu, ‘noh hnam kơ măy unh điên Đăk Mek 3 pơm ăn kon pơ lei păng khul kơ dră pơ gơ\r tơ ring hiom m^nh ‘măng tơ drăt.

Hnam kơ măy unh điên Đăk Mek 3 đơ\ng ro\ng kơ dơ nâu đak pơ chăh jing đei lơ tơ drong răm

Hnam kơ măy unh điên âu đei sư\k 7,5MW yoa Công ty jang hơ doi man hnam kơ măy unh điên Hồng Phát Đăk Mek pơm tơ ‘ngla tơ mât jên jang. ‘Năr 22/11/2012 bơ nơ\ găn mong đak pơ chăh adrol kơ năr bơ\ găn mong đak. Hnam kơ măy âu dang ei jing tơ drong răm hăm char char, hăm tơ drong vei lăng păng jing kơ so# jên hre tih mă An^h mong jên choh jang xa păng ato\k tơ iung tơ ring tơ rang Việt Nam ưh băt gô truh dang yơ mă io\k pơ dreu đei.

Đei 1 tơ drong ưh hơ iă kiơ ‘no\h, đơ\ng tơ drong jang man hnam kơ măy unh điên tơ\ apu\ng Đăk Glei đei pơ jao ăn dôm bơ ngai tơ mât jên jang, khul kơ dră tơ ring păng an^h jang kơ pal tơ\ tơ ring huo\ng lơ\m tơ drong “chă druh rôp băl” mưh ‘me\h bơ\ jang hăm an^h te\ch mơ dro. {ok Nguyễn Khắc Trúc, Pho\ Kơ dră An^h vei lăng mu\k drăm, trong nơ năm apu\ng Đăk Glei, roi tơ [ôh 1 tơ drong pơ tih găh jơ hngâm đon bơ\ jang đơ\ng tơ ‘ngla tơ mât jên jang man hnam kơ măy unh điên Đăk Mi 1 păng Đăk Mi 1A: 

“{ơm truh hnam kơ măy unh điên âu ‘no\h apu\ng ku\m đei trong hue lăng kiơ\ đơ\ng An^h vei mu\k drăm, trong nơ năm hlôi đei lơ ‘măng gơih hla ar ăn Công ty. Mă lei jơ hngâm đon jang hơ doi đơ\ng Công ty ưh kơ jung. Công ty lăp athei bơ ngai tang măt, mă ưh ăn kơ dră che\p kơ\l Công ty truh bơ\ jang hăm apu\ng kơ na tơ drong jang hơ doi hăm apu\ng vă hơ to\k hre\nh tơ drong ming man tơ [âp lơ mơ mat tat”.

Hnam kơ măy unh điên Đăk Mak 3 đe pră hơ chăng hu\t [ơ [ro\ng

Lơ\m hop ako\m mă 8, Jơ nu\m pơ gơ\r kon pơ lei dêh char Kon Tum jăl XI ‘nao pơ gơ\r âu, tơ\ hơ năp lơ nơ\r ap^nh jet đơ\ng bơ ngai tang măt, nhen lơ ‘măng hop ako\m adrol ki, [ok Lê Như Nhất, Kơ dră che\p kơ\l An^h vei lăng jang kơ măy, te\ch mơ dro dêh char Kon Tum lăp iung roi tơ băt rim tơ drong [ơm truh đe\ch. Ku\m đei 1,2 trong jang hlôi tơ le\ch vă hơ to\k tơ drong vei lăng păng găn đ^ dôm tơ drong răm mă dôm tơ drong jang man hnam kơ măy unh điên pơm tơ le\ch tơ\ apu\ng tơ nuh Đăk Glei mă lei ưh đei rơ đăh:  

“An^h vei lăng jang kơ măy, te\ch mơ dro nhôn hơ nơ\ng ku\m hăm dôm an^h jang đei [ơm truh pơ gơ\r hơ len năng tơ drong jang kiơ\ dôm nơ\r hơ găt đơ\ng luơ\t găh tơ mât jên jang ming man, io\k yoa dôm hnam kơ măy unh điên tơ\ dêh char pơ ma atu\m ku\m nhen apu\ng Đăk Glei pơ ma adro#. Pơ tho tơ [ôh, athei dôm tơ ‘ngla tơ mât jên jang roi tơ băt hơ dăh trong pơ gơ\r bơ\ jang kiơ\ tơ drong hơ găt đơ\ng khôi luơ\t.

Tơ drong răm đơ\ng pơ jei băl; che\ng io\k te\h, hơ chăng pơ hơi tơ drong vei lăng; pơ jao hơ vơ\l tơ drong jang man hnam kơ măy unh điên ăn an^h te\ch mơ dro jang ưh gơ\h hai, ưh măh jên jang hai to\k bo\k jing tơ drong răm tôch lơ jo# hloi găh mu\k drăm păng tơ pôl tơ\ apu\ng tơ nuh Đăk Glei dêh char Kon Tum. Mă tơ pă ato\k tơ iung hnam kơ măy unh điên tơ\ tơ ring âu lơ\m hlo\h 10 sơ năm âu ki ăn [ôh, ưh lăp ưh tam mă io\k yoa tơ mam pran ‘lơ\ng tơ\ tơ ring đ\e\ch mă dôm tơ drong jang man hnam kơ măy unh điên oei pơm tơ le\ch dơ\ng lơ tơ drong răm hăm kon pơ lei păng khul kơ dră pơ gơ\r tơ ring hai păng tam mă băt truh dang yơ gơ\h sek tơ lang ke\h tơ drong răm âu.

Khoa Điềm: Chih

Dơ\ng: Tơ blơ\