VOV4.Bahnar - Ƀlep ƀơ̆t tơ băt 74 sơ năm Năr linh jĭ rơ ka- linh lôch dŏng teh đak (27/7), Khŭl grŭp rim anih jang Trung ương ‘nao tơ lĕch jang tơ drong jang “ Tơ̆k ŭnh jrĕnh ƀlŏk hơ dơ̆r đơ̆ng plei nŭih” ‘moi kiơ̆ kơ vĭ điên tư lơ̆m dôm kơ măy hơ gei. Trong vang jang tơ drong jang tôch kơ ƀônh ƀŏ. Đoàn viên, hơ druh tơ dăm dăh mă kon pơ lei kai tơ mơ̆t kơ vĭ điên tư  MoMo lơ̆m kơ măy hơ gei păng pơ gơ̆r tơ gŭm jên mong “ Tơ̆k ŭnh jrĕnh ƀlŏk hơ dơ̆r kơ rim bơ ngai nŭih mơng, linh lôch dŏng teh đak”. Đơ̆ng rŏng kơ tơ gop đang, mư̆h kơ tĭt vang tơ gŭm tơ roi trong link tơ drong jang lơ̆m rim mạng tơ pôl, bơ ngai tơ gŭm gô đei asong 1 hlak rup pơ kăp vă hơ nơ̆ng lang să tơ drong ‘lơ̆ng hơ iă đơ̆ng tơ drong jang ăn tơ pôl. Jên tơ gop đei đơ̆ng tơ drong jang gô đei yua vă răt ŭnh jrĕnh tơ̆k tơ̆ rim pơ sat linh lôch dŏng teh đak lơ̆m jơ năr pơm Lêh tơ̆k ŭnh jrĕnh ƀlŏk hơ dơ̆r lơ̆m teh đak lơ̆m gơ măng ‘năr 26/7 vă jê̆ truh; tơ gŭm man ‘nao, hơ met ming hnam ‘mêm mơ nat ăn bơ ngai đei kŏng hăm kach mạng.

Thuem: Tơ blơ̆