VOV4.Bahnar - Hơ găt kơ so# 109/2018 đơ\ng khu\l kơ dră te\h đak găh cho\h jang sa rơ go\h đei tơ mơ\t bơ\ jang kiơ\ đơ\ng ‘năr 15/10 tru\h. Kiơ\ kơ ‘no\h, tơ mam rơ go\h athei đei hơ găt ‘lơ\ng te\h đak dăh mă dôm tơ drong hơ găt ‘lơ\ng apu\ng ple\nh te\h, tơ ring, te\h đak đe kiơ\ tơ băt hơ dăh đơ\ng An^h tơm vei lăng găh cho\h jang sa păng hơ to\k tơ iung tơ ring tơ rang.

Rim an^h jang mơ dro sa ie\, hơp tak xăh, pơ gar să, u\nh hnam păng gru\p u\nh hnam jang sa đei tơ gu\m 1 ‘măng 100% jên asong hla ar sơ kơ\t tơ mam cho\h jang sa rơ go\h kiơ\ hơ găt ‘lơ\ng te\h đak păng rim kon jên nai nhen: dăr hơ len, tơ blang hơ dăh kơ loăi te\h, đak, hơ yu\h tơ\ rim tơ ring đei tôm tơ drong hiôk jang sa rơ go\h. ‘Ngoăih kơ ‘no\h, oei tơ gu\m kiơ\ rim jên hơ găt găh ho\k pơ hrăm, pơ\ih să tơ drong jang rơ go\h kiơ\ hơ găt ‘lơ\ng te\h đak, jên răt hơ dre\ch ‘long pơ tăm tơ jră hơ drông sa, j^, dôm kơ loăi pho\ng, pơ gang pơ lôch hơ drông, jên răt yo\ng kon tơ rong, tơ mam hie\m rơ go\h, pơ gang  thú y.

Thuem: Tơ blơ\