VOV4.Bahnar - Anih tơm vei lăng găh choh jang sa păng hơ tŏk tơ iung tơ ring tơ rang ‘nao pơ gơ̆r hop a kŏm trực tuyến tơ klep hơ dai pơm tơ lĕch păng tĕch tơ mam đơ̆ng choh jang sa đei, tơ mam OCOP tơ ring Tây Nguyên sơ năm 2021. Dôm hơ nih pơ dăh ti vi tơm vang hop akŏm ‘noh: Hà Nội, pơ lei tơm Hồ Chí Minh, 5 dêh char tơ ring Tây Nguyên (Dak Lak, Dak Nông, Kon Tum, Gia Lai, Lâm Đồng). Hop akŏm ‘noh gơng tơ ƀưh vă rim bơ ngai vei lăng, bơ ngai jang mơ dro sa, kon pơ lei jang chŭn mir pơ ma dơ nuh vă hơ met pơ ‘lơ̆ng dôm tơ drong pơ găn, tơ hlăk tơ hlĭn lơ̆m tơ drong jĭ hơ buh Covid-19 tơ gop lơ̆m tơ drong tơ lĕch jang kiơ̆ ‘măng krao hơ vơn “ Bơ ngai Việt Nam yua tơ  mam Việt Nam”. Tơ̆ hop akŏm hlôi pơ gơ̆r lêh kĭ pơ kăp hla ar chih tơ ƀlŏk, jang hơ dai đơ̆ng rim anih jang mơ dro sa, grŭp jang hơ dai, hơp tak xăh pơm tơ lĕch tơ mam đơ̆ngc hoh jang sa 4 dêh char Dak Lak, Dak Nông, Lâm Đồng, Gia Lai hăm lơ siêu thị, hơ nih tĕch tơ mam le tơ̆  Hà Nội păng pơ lei tơm Hồ Chí Minh găh tơ drong răt iŏk tơ mam.

Thuem: Tơ blơ̆