VOV4.Bahnar - Dơnŏ anĭh tơm vei lăng Chŏh jang sa păng Atŏk tơ iung tơring tơrang ‘nao pơjing Hơnăn trong pơm hla bơar bơ̆ jang lơ̆m tơdrong chŏh jang sa păng atŏk tơ iung tơring tơrang. Kiơ̆ kơ ‘nŏh, Hơnăn rim trong pơm hla bơar bơ̆ jang găh Dơnŏ anĭh tơm vei lăng Chŏh jang sa păng Atŏk tơ iung tơring tơrang vei lăng đei 363 trong pơm hla bơar bơ̆ jang. Mă hơdăh, trong pơm hla bơar găh Trung ương đei 226 tơdrong bơ̆ jang pơm hla bơar; dêh char đei 106 trong pơm hla bơar bơ̆ jang; apŭng đei 16 trong pơm hla bơar; tơring đei 11 trong pơm hla bơar păng hơnĭh bơ̆ jang anai đei 4 trong pơm hla bơar bơ̆ jang. Dôm trong pơm hla bơar bơ̆ jang đei jang kiơ̆ lơ̆m Hơnĭh kơtơ̆ng ang Mĭnh ‘măng Tĕh đak nhen: Dăr lăng hơlen tĕh đak găh tơdrong ‘lơ̆ng phŏng răt đơ̆ng tĕh đak đe; ƀơk ăn Hla bơar drơ̆ng nơ̆r hlôi dăr lăng hơlen tơmam drăm răt đơ̆ng tĕh đak đe; bơ̆ jang dăr lăng tĕh đak găh sơđơ̆ng rơgŏh tơmam drăm răt đơ̆ng tĕh đak đe; apĭnh athei dăr lăng sơkơ̆t hơdăh tơmam drăm hiĕm kon tơrong ‘lơ̆ng răt đơ̆ng tĕh đak đe ... Kiơ̆ đơ̆ng Dơnŏ anĭh tơm vei lăng Chŏh jang sa păng Atŏk tơ iung tơring tơrang, khei năr kơnh gô dăr lăng kơ jăp tơdrong pơjing tơdrong tơchơ̆t găh bơ̆ jang pơm hla bơar găh Dơnŏ anĭh tơm au vei lăng. Adoi, tơ ƀô̆h tơbăt hơdăh trong bơ̆ jang pơm hla bơar găh Dơnŏ anĭh tơm au chĕp pơgơ̆r lơ̆m hơnĭh chĭh răk kơ tĕh đak găh bơ̆ jang pơm hla bơar.

Tơblơ̆ nơ̆r: Amazưt