VOV4.Bahnar  – Tang măt ăn Thủ tướng teh đak, Phŏ Thủ tướng teh đak bơ̆n Lê Văn Thành 'nao kĭ tơbang Tơchơ̆t 26 năr 21/9/2021 găh tơdrong hơtŏk choh pơtăm, tĕch tơlĕch tơmam choh pơtăm ăn teh đak đe lơ̆m khei năr tang găn păng tơjră pơrang jĭ COVID-19. Kiơ̆ kơ noh, Thủ tướng teh đak pơkăl Anih tơm Choh jang xa păng Hơtŏk tơring pơxĕl păng rim tơring tơlĕch drơ̆ng minh lơ trong jang vei xơđơ̆ng ưh đei tơhlăk tơdrong choh jang xa; axong tôm tơmam choh pơtăm kăl tĕch ăn rim tơring lơ̆m teh đak păng pơm tơlĕch tĕch ăn teh đak kiơ̆ rim tơdrong đei ƀôh. Anih tơm Kŏng thương pơtho rim tơring hlôi kĕ hơlen pơrang jĭ pơih kơchơ tĕch tơtom tơmam drăm ăn kon pơlei; jang hadoi hăm dôm anih jang hơtŏk tĕch tơlĕch tơmam drăm ăn teh đak Trung Quốc. Anih tơm jang chơ pơdŭ tơmam drăm vei xơđơ̆ng trong nơnăm lơ̆m jâ̆p teh đak, pơm trong hiôk hloh ăn tơdrong chơ pơdŭ tơmam drăm choh pơtăm, păng tĕch tơmam choh pơtăm ăn teh đak đe. Rim tơring tơlĕch jang tơtom kiơ̆ Tơchơ̆t đơ̆ng teh đak găh tơgŭm anih jang mŭk drăm, hơp tak xăh, unh hnam jang tĕch pơdro lơ̆m khei năr pơrang jĭ COVID-19, vei xơđơ̆ng tơdrong jang tang găn păng tơjră pơrang jĭ tơ̆ tơring trŏ ƀlep hăm tơdrong đei ƀôh tơ̆ tơring.

Lan chih păng pơre nơ̆r