Tơplih kơ ‘nŏh, lơ tơdrong hơri hơxoang gô đei pơgơ̆r hrơ̆ch đơ̆ng dêh char truh tơ̆ tơring, pơjing jơhngâm đon hưch hanh, čhôk ‘nă vă kon pơlei sơng xa Têt. Tơdrong ưh đei prăh kơmlăi pơkao yoa vă ‘măn jên, tơmam pơ ‘nhŏ ăn tơdrong pơngơ̆t ăn tơdrong arih xa kơ kon pơlei, pơ ‘nhŏ ăn tơdrong hơmet pơ ‘lơ̆ng hiong răm đơ̆ng ‘mi kial đak lơ̆p, tơiung ming tơdrong jang xa, pơm sơđơ̆ng tơdrong arih ăn kon pơlei tơ̆ dôm tơring ‘nao pŭ hiong răm lơ đơ̆ng ‘mi tih đak lơ̆p.

Hơiă kơ sơnăm ‘nao Bính Ngọ 2026, dêh char Đắk Lắk vă pơgơ̆r hơri hơxoang hơiă kơ Đảng, hơiă kơ pơyan Puih mak hăm hơnăn “Đắk Lắk – Bri kông păng Đak dơsĭ tih, hơmĕng jang tŏk pran”. Tơdrong hơri hơxoang vă pơgơ̆r lơ̆m kơmăng ‘năr 16/2, jĭ kơmăng ‘năr 29 Tết, tơ̆ phường Buôn Ma Thuột păng phường Tuy Hòa.