Hăm hơnăn “Mai anh đào Đà Lạt – Akŏm kơmâu pơyan puih mak”, lêh pôk pơ ư tơdrong ‘lơ̆ng kơloăi pơkao pơtih ăn pơlei tơm Đà Lạt, hơdai hăm roi tơƀôh um rup kon bơngai Đà Lạt iơ̆m dim, hơlăng, ‘mêm kơ tơmoi. Lêh pơgơ̆r đơ̆ng ‘năr 16/1 truh blŭng khei 2/2026 tơ̆ lơ hơnih kơdrơ̆m păng tơring tơjê̆, lơ̆m noh hơnih hơiă ‘noh jĭ dôm hơnih pơcheh ‘lơ̆ng rŏ tơ̆ trong Trần Hưng Đạo, tơdrong phĭn, chhơ̆, pơm tơƀôh tơ̆ trong kơphô̆ păng roi tơƀôh tơmam đơ̆ng choh jang sa, tơmam OCOP, hla che, cheh phe ‘lơ̆ng kơ tơring.

Tơdrong pơgơ̆r lêh oei đei pơih să truh Hơnih tơmang lăng kơ Teh đak Dơnâu đak Tuyền Lâm, tơring hla che Cầu Đất, Thung lũng Tình yêu, tơklep hăm dôm tơdrong jang chă lăng tơmang lăng choh jang sa, pơgơ̆r joh ayŏ păng tôn chĭng chêng, tơgop pơm pơtrŭt tơmang lăng păng roi tơƀôh um rup tơring rơbâu pơkao.