Hơnih tơm Chinh trĭ tơchơ̆t iŏk năr 24/11 rim sơnăm jĭ “ Năr oei sa joh ayŏ joăt joe Việt Nam", hăm trong tơlĕch ăn ‘noh năr pơdơ̆h, bơngai jang oei đei sa jên khei, vă kon pơlei gơ̆h chă mơ̆ng lăng dôm tơdrong joh ayŏ kơdŏ soang, khul jŏh ayŏ kơdŏ soang đei hơlêm pơcheh, pơ đĭ lơ̆m tơpôl jang kiơ̆ oei sa ‘lơ̆ng rŏ hơbŏ nhen. Tổng Bí thư Tô Lâm hlôi kĭ tơlĕch jang kiơ̆ tơdrong tơchơ̆t 80 đơ̆ng Hơnih tơm Chinh găh atŏk tơ iung oei sa joh ayŏ joăt joe Việt Nam. Hơnih tơm Chinh trĭ sơkơ̆t hơdăh atok tơ iung oei sa joh ayŏ joăt joe ‘lơ̆ng rŏ, kon bơngai ‘noh kăl hloh, jơhngơ̆m pran tih tên ăn atŏk tơ iung rơgoh păng kơjăp ‘lơ̆ng teh đak. Tơmơ̆t jên jang ăn tơdrong oei sa joh ayŏ joăt joe jĭ ‘noh tơmơt jên jang ăn atŏk tơ iung kơjăp ‘lơ̆ng teh đak, ăn hơnô̆ hơnăp kơ hơdrĕch hơdrung. Kiơ̆ yok kơtang dôm tơdrong ‘lơ̆ng rŏ hơbŏ nhen oei sa joh ayŏ joăt je, kon bơngai Việt Nam lơ̆m chăl ‘nao.