Ƀơ̆t măt, dêh char gô hơgrop jang rim kŏng điên tư tơmang pơhiơ̆ gơ̆h hơgei kơ pêng dêh char so jing mĭnh kŏng điên tư tơmang pơhiơ̆ kơ dêh char ‘nao. Adoi, hơgrop rim ưng yŭng tơmang pơhiơ̆ lơ̆m điên thoăi hơgei kơ ƀar dêh char Lâm Đồng păng Bình Thuận so, tơ iung pơjing mĭnh app ưng yŭng atŭm đei tơmơ̆t dơ̆ng rim kơtơ̆ng ang, tơdrong ‘lơ̆ng hơ iă găh tơmang pơhiơ̆ kơ lơ̆m tơring Dak Nông. Vă hơmet pơ ‘lơ̆ng jang ‘lơ̆ng, pơm hơtŏk chă mơ̆t lăng ƀônh ăn tơmoi tơmang pơhiơ̆, ưng yŭng ou gô sơđơ̆ng tơbăt hơdăh dôm kơtơ̆ng ang tơmang pơhiơ̆, tơgŭm ăn tơmoi năm tơmang pơhiơ̆, tơchă hơnih oei păng pơjing trong chă tơmang pơhiơ̆ năm tơ̆ Lâm Đồng ƀônh ƀŏ hloh.