Đei Pơgơ̆r đơ̆ng dang ei truh đĭ năr 19/8 ou kơnh, tơdrong pơlong đei 340 bơngai pơlong lơ̆m 14 khul kơ dêh char, pơlei tơm lơ̆m jơ̆p teh đak vang pơlong. Rim bơngai pơlong gô pơlong lơ̆m 36 pơkăp trăp hơkou jăn 'măn ăn drŏnglo, drăkăn păng drŏnglo drăkăn hơdoi, lơ̆m 2 tơdrong dui tơlei lơ̆m hnam păng dui tơlei tơ̆ 'nguaih, kiơ̆ pơkăp pơlong kơtă đơ̆ng rŏng kơ 2 'măng ưh đei jơnei.

Đơ̆ng rŏng kơ lêh pơtơm, rim khul hlôi vang pơlong dôm tơdrong pơkăp 600kg hăm drŏnglo, 400kg hăm drăkăn păng 370kg hăm drŏnglo – drăkăn hơdoi, dui tơlei lơ̆m hnam. Sơnăm ou, tơdrong pơlong đei pơgơ̆r tơ̆ Đăk Lăk, vă tơbăt 80 sơnăm năr Kuôk khanh teh đak Cộng hoà xã hội chủ nghĩa Việt Nam, sơng kơ kuh kơ Hop akŏm Bơngai tang măt ăn Đảng ƀô̆ dêh char Đăk Lăk 'măng mă 18 păng pơm kiơ̆ tơdrong hơvơn “Tôm kon pơlei pơtơ̆p pran hơkou kiơ̆ rok Ƀok Hô pơtho”.