Kiơ̆ drơ̆ng mĭnh nơ̆r, rim hơnih chih kơtơ̆ng ang akŏm chih pơrô̆ tơbăt tơdrong jang atŏk tơ iung mŭk drăm-tơpôl, vei lăng sơđơ̆ng teh đak-sơđơ̆ng tơring; rim trong bơ̆ jang đơ̆ng Đảng, Teh đak păng kơ dêh char; Tơdrong tơchơ̆t Hop akom tih Đảng ƀô̆ dêh char Lâm Đồng ‘măng mă I, jăl jang 2025–2030; Tơdrong tơchơ̆t Hop akom tih ‘măng mă XIV kơ Đảng; bơ̆ jang pôk rơih Kuô̆k hô̆i jăl XVI păng Jơnŭm vei lăng kon pơlei rim kâp jăl jang 2026–2031; atŭm hăm rim trong tơchơ̆t kăl đơ̆ng Trung ương găh khoa hŏk-kmăi kmŏk, tơplih kơsô̆ păng vang mơ̆t hơdoi apŭng plĕnh teh. Iung pơma tơ̆ hop akŏm, ƀok Nguyễn Văn Lộc, Kơdră chĕp pơgơ̆r Hơnih vei lăng Joh ayŏ kơdŏ soang, Đă ƀŏng lŏng tơplŏng kơdou păng Tơmang pơhiơ̆ Lâm Đồng tơbăt, gô pơjing rơvơn ‘lơ̆ng hơ iă hloh vă rim hơnih chih kơtơ̆ng ang đei băt kơtơ̆ng ang, bơ̆ jang chih tơroi tơbăt; adoi hơnih ou jei gô pơm hơnih tơm pơtho tơbăt, pơrô̆ athei rim hơnih bơ̆ jang dêh char, hơnih vei lăng kon pơlei rim tơring, phương, tơring kăl iung jang kiơ̆ trong pơkăp nơ̆r pơma păng tơroi tơbăt kơtơ̆ng ang ăn khul chih kơtơ̆ng ang.