‘Nâu jĭ tơdrong jang tôch gĭt kăl tơbăt 64 sơnăm tơdrong răm đơ̆ng pơgang dioxin tơ̆ Việt Nam. Tơdrong jang ‘nâu tơƀôh hơdăh jơhngâm đon tơtăm đơ̆ng Đảng, Teh đak, rim anih jang chinh trĭ; roi tơƀôh tơdrong vang yak hơdai, tơdrong tơgŭm kăp gĭt đơ̆ng kon pơlei, rim khul grŭp, rim bơngai đei đon ‘lơ̆ng lơ̆m teh đak păng tơ̆ teh đak đe, vang tơgop hơmet pơ ‘lơ̆ng hiong răm đơ̆ng pơgang kơnê̆, vei lăng năng tông, tơgŭm ăn bơngai răm đơ̆ng pơgang dioxin. 

Kiơ̆ đơ̆ng dôm tơdrong hơri hơxoang ‘lơ̆ng hơiă hơdai hăm dôm ƀai chih tơroi păng pơm nuh hăm bơngai răm đơ̆ng pơgang dioxin, Tơdrong hơri hơxoang “Kiơ̆ măt ‘năr lĕch” roi tơƀôh “tơdrong arih xa – mât oei hơdai”, pôk pơ ư dôm tơdrong tơgŭm đei yoa ‘lơ̆ng, vă bơngai răm đơ̆ng pơgang dioxin gơ̆h yak hlŏh pơmat tat, mât oei xa hơdai ‘lơ̆ng hăm tơpôl.