VOV4.Bahnar - Lơ\m khei năr âu ki, tơdrong jang mong jên tơgu\m tơpôl lơ\m tơring kơ dêh char  Đăk Nông hơnơ\ng đei pơm jang tơnăp, tơgu\m bơngai hin dơnuh păng dôm bơngai mă teh đak tơchơ\t tơgu\m đei jên pơm jang, hơto\k tơdrong erih. Kiơ\ đơ\ng noh, tơgop pơm jang đei jơnei dôm tơdrong tơchơ\t găh tơjur hin dơnuh kơjăp xơđơ\ng, pơjing tơring tơrang ‘nao, vei xơđơ\ng tơdrong pơyua ăn tơpôl tơ\ tơring.

Dôm xơnăm kơ âu, gơnơm tơre\k hăm tơdrong axong to\k io\k jên hăm jên cheh to\ xe\t đơ\ng Anih mong jên tơgu\m tơpôl apu\ng Đăk Song, hlôi tơgu\m ăn unh hnam yă Đinh Thị Vinh tơ\ thôn 7, xăh Đăk N’Drung, hơto\k mu\k drăm klaih đơ\ng hin dơnuh kơjăp xơđơ\ng. Atu\m hăm noh, đơ\ng jên mong tơgu\m tơpôl oei tơgu\m ăn unh hnam yă ke\ đei jên axong kon hơ ioh năm ho\k, axong man anih mong đak rơgoh, vei rơgoh cham char vă hơto\k pơ ‘lơ\ng tơdrong erih. Mă kăl lơ\m dôm khei blu\ng kơ xơnăm 2020 yuơ tơm tiu lôch, kơjă ka phê tơjur kơtang păng pơrang j^ Covid -19 hlôi pơm ăn unh hnam yă Vinh tơjra#m lơ tơnap tap. Je# đ^ khei 6 xơnăm 2020, yă Đinh Thị Vinh, đei Anih mong jên tơgu\m tơpôl ăn to\k io\k 70 triu hlj. Jên axong to\k io\k tơtom tơgu\m ăn unh hnam yă klaih đơ\ng tơnap tap păng đei jên pơm jang hăm pơgar ‘long pơtăm tơguăt hăm chă rong bơbe vă hơto\k io\k yua: “Kơjă tơmam drăm lơ\m tơring [ơm lơ tơnap tap noh gơnơm đei jên tơgu\m đơ\ng anih mong jên tơgu\m tơpôl noh unh hnam hiôk hian hloh lơ\m tơdrong vei lăng ‘long pơtăm, ưh đei to\k io\k jên tơ\ ‘nguaih noh da [iơ\ hloh. Anih mong jên tơgu\m tenh kuăng ăn kon pơlei, pơtêng hăm dôm anih mong jên nai noh jên cheh to\ xe\t hloh vă kon pơlei gơh pơm jang hơto\k mu\k drăm”.

Apu\ng Đăk Song dang ei đei je# 20 rơbâu unh hnam hăm 23 hơdrung bơngai atu\m erih jang xa, lơ\m noh kon pơlei kon kông đei hloh 17%. Lơ\m dôm xơnăm jang ch^nh tr^ kơ tơring, Đảng [o# apu\ng Đăk Song xơkơ\t tơjur hin dơnuh jing xơnong jang tơm. Dôm jăl pơgơ\r tơring lơ\m apu\ng hlôi tơle\ch drơ\ng minh dôm tơdrong jang tơgu\m ăn bơngai hin dơnuh hơto\k pơm jang, xek axong tơdrong jang, klaih đơ\ng hin dơnuh, kơso# unh hnam hin dơnuh tơjur tenh kiơ\ rim xơnăm. Lơ\m noh, jên to\k io\k đơ\ng anih mong jên tơgu\m tơpôl jing anih kăp g^t vă pơm jang đei jơnei dôm tơdrong tơle\ch jang.

Kiơ\ tơroi tơbang, truh dang ei hre axong to\k io\k kơ Anih mong jên tơgu\m tơpôl apu\ng Đăk Rlấp đei hloh 400 tih hlj, hăm hloh 12.600 unh hnam đei axong to\k io\k. Lơ\m noh, dôm tơdrong axong to\k io\k nhen: unh hnam hin dơnuh; unh hnam tơje# hin dơnuh; unh hnam jang mu\k drăm tơ\ tơring tơnap tap; Đak xo\ nhă rơgoh păng xơgaih cham char; tơgu\m unh hnam hin dơnuh bơ\ hnam... hlôi đei jơnei tơnăp. Jên tơgu\m to\k io\k ưh adro# tơgop atu\m hăm tơring xut le# pơngot tơjur hin dơnuh mă oei tơgop tơgu\m ăn rim unh hnam hin dơnuh păng dôm bơngai mă teh đak tơchơ\t tơgu\m nai ke\ đei jên ăn kon hơ ioh năm ho\k pơhrăm, axong tơdrong jang xơđơ\ng, ming man hnam oei, hnam yô chơgaih, đak xo\ nhă rơgoh... {ok Phạm Quang Nam, Pho\ Kơdră Anih vei lăng kon pơlei xăh Nâm N’Jang, apu\ng Đăk Song, Đăk Nông ăn tơbăt, jên mong tơgu\m tơpôl xăh  pơm jang đei jơnei dôm xơnong pơkăp jang mu\k drăm tơpôl: “Đei jơnei đơ\ng jên mong tơgu\m đơ\ng anih mong jên tơgu\m tơpôl lơ\m tơdrong pơm kiơ\ tơchơ\t Hop ako\m Đảng [o# xăh đơ\ng blu\ng jăl jang noh nhôn duh xơkơ\t tơjur đei kơso# unh hnam hin dơnuh. Đơ\ng blu\ng jăl jang kiơ\ hơlen, kơso# chih ako\m unh hnam hin dơnuh noh pơhlom hloh 5% păng tơje# hin dơnuh pơhlom 7%. Dang ei noh unh hnam hin dơnuh oei pă 3,5% păng unh hnam tơje# hin dơnuh hloh 4%. {ôh hơdăh xơnong jang đơ\ng anih mong jên tơgu\m tơpôl đei hmach bơnê tơnăp lơ\m tơdrong jang đei jơnei lơ\m xut le# pơngot tơjur hin dơnuh lơ\m hơto\k pơm jang”

Đơ\ng ro\ng 10 xơnăm pơm kiơ\ tơchơ\t pơjing tơring tơrang ‘nao, apu\ng Đăk R’Lấp hlôi đei jơnei tôm tơchơ\t lơ\m tơdrong pơkăp kơ teh đak găh pơjing tơring pơxe\l ‘nao. Ke\ đei jơnei âu, duh đei tơdrong tơgop đơ\ng anih mong jên tơgu\m tơpôl, mă hăt noh lơ\m tơchơ\t kơso# 10 găh tơdrong io\k yua hăm kon pơlei pơm jang, tơchơ\t kơso# 11 găh tơjur unh hnam hin dơnuh.

{ok Vũ Hùng Đào, kơdră jơnu\m mong jên ăn to\k io\k tơ\ thôn 2, xăh Đăk Wer, apu\ng Đăk R’Lấp, Đăk Nông tơroi: “Đơ\ng năr đei Anih mong jên tơgu\m tơpôl tơgu\m ăn unh hnam hin dơnuh to\k io\k duh nhen tơdrong man dơnâu mong đak rơgoh, xơgaih cham char păng đei jên axong jang noh adrol ki khul nhôn kơso# unh hnam hin dơnuh đei 12 unh hnam, tơje# hin dơnuh noh đơ\ng 5 truh 6 unh hnam mă lei đơ\ng năr tơre\k hăm jên mong kơ anih mong jên tơgu\m tơpôl noh hlôi pơm trong hiôk ăn kon pơlei hơto\k tơ iung tơnăp hloh. Tơjur pơngot, xut le# hin dơnuh, noh tơdrong mu\k drăm ang hơdăh hloh”.

Kiơ\ kơ [ok K’Ngai, Kơdră Anih mong jên tơgu\m tơpôl apu\ng Đăk R’lấp tơroi, dang ei anih jang to\k bo\k oei tơle\ch 11 tơdrong jang axong to\k io\k tơgu\m tơpôl hăm kơso# hre hloh 355 tih hlj, hăm hloh 9.000 bơngai to\k bo\k oei đei hre. Dôm xơnăm kơ âu, tơdrong jang kơ anih mong jên tơgu\m tơpôl tơ\ apu\ng Đăk R’lấp hlôi tơgop kăp g^t hơto\k mu\k drăm – tơpôl, pơjing tơring tơrang ‘nao, vei xơđơ\ng pơyua ăn tơpôl... Gơnơm noh mă lơ\m jăl jang 2015-2020, jên axong to\k io\k tơgu\m tơpôl hlôi tơgop tơgu\m ăn apu\ng Đăk R'lấp hlôi jang đei jơnei lơ tơdrong tơchơ\t tơle\ch. Lơ\m noh, đei 10 lơ\m 14 tơdrong tơchơ\t găh hơto\k mu\k drăm, tơpôl, vei xơđơ\ng tơpôl teh đak, pơ ‘lơ\ng Đảng păng anih jang ch^nh tr^ đei jơnei păng hloh kơ tơdrong pơkăp jang. Lơ\m noh, hơdăh hloh noh tơdrong io\k yua hăm rim ‘nu bơngai jang tơ\ apu\ng đei  60 triu hlj minh xơnăm: “Lơ\m jăl jang âu ki, Đảng [o# păng kon pơlei apu\ng Đăk Rlấp hlôi keh đang lơ tơchơ\t găh hơto\k mu\k drăm tơpôl păng vei xơđơ\ng kơjăp tơpôl teh đak. Lơ\m noh tơdrong jang xut le# pơngot tơjur hin dơnuh kơjăp xơđơ\ng lơ\m noh Anih mong jên tơgu\m tơpôl duh hlôi tơgop lơ\m tơdrong hơto\k tơ iung atu\m kơ dêh char, mă kăl noh găh tơdrong jang tơjur hin dơnuh”.

Lan chih păng rapor