VOV4.Bahnar – Phŏ Thủ tướng Lê Minh Khái 'nao kĭ Tơchơ̆t tơgŭm ăn 6 tơring hơmet răm găh hnam oei kiơ̆ Tơchơ̆t kơsô̆ 165/NQ-CP. Kiơ̆ kơ noh, tơgŭm 67,89 tih hlj ăn 6 tơring vă hơmet răm găh hnam oei kơyuơ đơ̆ng 'mi kial đak hơbông pơrăm lơ̆m khei 10/2020. Hơdăh noh: Quảng Nam (14,320 tih hlj), Quảng Trị (4,210 tih hlj), Thừa Thiên Huế (1,150 tih hlj), Quảng Ngãi (45,220 tih hlj), Kon Tum (1,570 tih hlj), Gia Lai (1,420 tih hlj). Găh jên tơgŭm, Tơchơ̆t ră hơdăh: Hăm dôm tơring Quảng Nam, Quảng Trị, Thừa Thiên Huế, Quảng Ngãi, păng Kon Tum iŏk yua jên mong hlôi đei axong đơ̆ng trung ương kiơ̆ Tơchơ̆t kơsô̆ 1913/QĐ-TTg  đơ̆ng Thủ tướng teh đak vă pơm jang. Hăm dêh char Gia Lai noh axong đơ̆ng jên mong trung ương ăh xơnăm 2021.

Lan chih păng pơre nơ̆r