VOV4.Bahnar – Anih tơm Axong jang Linh jĭ rơka păng Tơpôl jang atŭm hăm Anih mong jên tơgŭm hơ ioh Liên hơp kuôk (UNICEF) pơgơ̆r Hop akŏm trư̆k tuyê̆n “Xơkơ̆t păng tơlĕch minh ƀar trong jang vei vêr pơtho hơ ioh lơ̆m khei năr pơrang jĭ Covid-19 hơbuh hli”. Hop akŏm đei dôm anih jang tơm, jơnŭm jang tơpôl păng 20 dêh char, plei tơm tŏk bŏk dăh mă jing anih hơbuh hli pơrang jĭ Covid-19. Kiơ̆ tơroi đơ̆ng dôm tơring, jô̆ truh năr 31/8, jâ̆p teh đak đei hloh 11 rơbâu 800 'nu hơ ioh noh F0; kơsô̆ hơ ioh F1 noh hloh 27 rơbâu 300 'nu. Găh lơ noh, hơ ioh ƀơm răm hlăm găh đon bơnôh păng tơdrong erih, pơm ăn dôm tơchơ̆t hơtŏk pơ 'lơ̆ng tôm tong ăn hơ ioh duh jing tơnap tap kơyuơ đơ̆ng pơrang jĭ Covid- 19. Kơyuơ noh, dôm xơnong jang, lơ̆m noh dôm trong jang vei vêr pơtho đe hơ ioh kăl đei tơlĕch jang. Tơ̆ hop akŏm, lơ anih jang tơm, rim tơring pơtruh nơ̆r hăm Khul kơpal teh đak atŭm hăm trong pơkăp tơgŭm hơmet jĭ, vei lăng hơ ioh F0, F1 kăl hrôih đei axong ƀet vaccine bơ̆ng jĭ ăn đe hơ ioh.

Lan chih păng pơre nơ̆r