VOV4.Bahnar - Triều Tiên ‘me\h vă đei jang hơ dai hăm Việt Nam lơ\m tơ drong jang viễn thông păng dôm tơ mam kơ măy kơ mo\k hơ gei. ‘Nâu jing hơ to\k tơ iung đơ\ng Ri Su Yong, Pho\ kơ dră che\p kơ\l pơ gơ\r Đảng Lao động Triều Tiên – Kơ dră an^h jang apu\ng ple\nh te\h ku\m hăm khu\l tang măt g^t kăl kơ Triều Tên năm tơ mang păng bơ\ jang tơ\ an^h tơ che\ng hơ len, pơm tơ le\ch tơ mam kon pơ lei yua kơ Gru\p jang kơ măy kơ mo\k Viễn thông Quân đội Viettel kơ sơ\ brei (28/2).

Tơ\ Viettel, khu\l tang măt g^t kăl kơ Triều Tiên hlôi năm tơ mang tơ\ an^h vei lăng trong tơ ley viễn thông jơ\p ple\nh te\h, jing an^h kơ tă dăr hơ len păng kơ dâu bơ\ jang tơ drong jang viễn thông, kơ măy kơ mo\k kơ tơ\ng ang tơ\ Việt Nam, hơ dai hăm tơ gu\m, pơ tho tơ [o#h ki thuơ\t ăn kơ 10 ko\ng ti viễn thông te\h đak đe. Hơ iă hăm dôm tơ mam kơ măy kơ mo\k đơ\ng Viettel, tơ\ jơ bơ\ jang, [ok Ri Su Yong pơ ma hơ dăh, hơ me\ng đơ\ng ‘măng năm tơ mang ‘măng âu gô đei dôm tơ drong hiôk nai vă tơ [ơ\p, jang hơ dai lơ\m rim tơ drong jang âu hăm Viettel. 

Thuem: Tơ blơ\