VOV4.Bahnar - Đơ\ng ro\ng je# 8 xơnăm jang kiơ\ pơkăp klă jên vei hơlen bri đei tơle\ch jang tơ\ dêh char Kon Tum roi năr roi đei io\k jang tơnăp tơ\ tơring, pơyua lơ lơ\m tơdrong vei hơlen păng hơto\k bri. Chih tơroi găh tơdrong đei jơnei âu đơ\ng pơkăp jang, Khoa Điềm đei [ai chih tơroi tơ\ hơla.

Đơ\ng ro\ng je# 8 xơnăm tơle\ch jang kiơ\ pơkăp klă jên vei hơlen bri tơ\ dêh char Kon Tum, tơdrong pơyua đei hơto\k ăn rim tơ ‘ngla bri hlôi đei jên axong jang tơnăp ăn tơdrong jang găh bri. Hăm rim Anih jang găh bri [ơ\t athei tang ‘măng, pơdơh pơm jang koh ot tơ\r đơ\ng bri noh âu tơpă jing tơdrong tơgu\m vă bri jang đei jơnei, tơgop xơđơ\ng hơdăh bri oei đei păng pơtăm bri dơ\ng. {ok Nguyễn Trọng Nhất, Pho\ kơdră Anih vei hơlen bri hmo\ Đak Long, anih jang oei vei hơlen je# 15.000ha bri hmo\ păng teh bri, lơ\m noh pơhlom 14.400ha đei yua jên mong pơkăp klă ăn tơdrong jang vei hơlen bri ăn tơbăt: “Đơ\ng tơle\ch jang kiơ\ pơkăp klă jên vei bri hlôi tơgu\m jên jang tih tên ăn anih jang vă tơle\ch jang kiơ\ pơkăp vei hơlen bri tơnăp hloh. Bri ưh adro# đei vei xơđơ\ng mă oei hơto\k hloi găh hơgăt păng tơdrong ‘lơ\ng hăm bri”.

Atu\m hăm tơle\ch jang tơnăp pơkăp klă jên vei hơlen bri, vă tơpôl kon pơlei roi năr roi tơguăt hăm bri, Anih mong jên Vei hơlen păng Hơto\k bri dêh char Kon Tum oei tơre\k găh tơdrong pơtho yua jên jang axong đơ\ng pơkăp âu. Lơ\m xơnăm 2017, Jên mong hlôi pơgơ\r đei  32 tơdrong hopa ko\m tơroi găh pơkăp klă jên vei hơlen bri, tơguăt hăm pơih lăm ho\k găh io\k jang jên mong pơkăp klă ăn tơdrong vei hơlen bri tơ\ xăh. ‘Nho\ng Hoàng Trọng Huy, jang hơlen bri tơ\ xăh Đak Long, lơ\m Anih jang hơlen bri apu\ng Đak Glei ăn tơbăt: “Đơ\ng ro\ng kơ lăm ho\k, mih ma duch nă băt trong chă yua jên, pơm troi yơ yua mă tro\ [lep, đei jơnei tơnăp, ưh đei le# jên huach kư\ kă, yua jên ăn tơdrong vei hơlen bri gơh tơnăp hloh. Mih ma duch nă băt hơdăh tơdrong yua jên pơtih nhen 10% noh ‘măn ăn Hop ako\m, in tơle\ch hla bar kăl. Oei 90% noh ‘măn ăn tơdrong vei hơlen bri, tang găn păng p^t unh xa bri, hơlen [a trui đe chă koh phă bri”.

Tơpă ăn [ôh, rim pơlei pơla hlôi pơgơ\r vei hơlen păng yua jên pơkăp klă ăn tơdrong jang vei hơlen bri gơh tơnăp ăn 3 tơdrong jang tơm: axong ăn tơdrong vei hơlen bri; axong ăn dôm tơdrong jang atu\m kơ tơpôl păng yua jên vei hơlen cham char bri vă hơto\k tơdrong erih. Hăm unh hnam hlôi hlôh vao hơdăh lơ\m tơdrong yua jên pơkăp klă ăn tơdrong vei hơlen bri atu\m hăm jên mong nai kơ unh hnam vă hơto\k tơdrong erih. Kon pơlei kiơ\ kơ tơdrong ke\ đei, hơyuh to# ‘mi, teh tơ\ rim tơring, tơdrong hlôh vao kơ rim bơngai, rim unh hnam mă rơih kơdih trong jang ăn kơ po mă tro\ [lep vă hơto\k mu\k drăm xut le# pơngot tơjur hin dơnuh. ‘Nâu jing tơdrong kăp g^t vă kon pơlei roi năr roi tơguăt păng jang tơnăp hloh hăm bri. ‘Nho\ng A Đruế, oei tơ\ pơlei Kon Ke 2, xăh Đak Long, apu\ng Kon Plông, bơngai jang tơnăp lơ\m tơdrong vei hơlen bri ăn tơbăt: “Khei năr âu ki, găh tơdrong vei hơlen bri, kơdih po inh duh năm chă hơvơn, tơroi ăn rim unh hnam duh nhen khul đoàn viên hơdruh tơdăm vă băt trong chă vei bri. Rim bơngai noh jing minh anih tơnăp vă vei hơlen bri. Noh dang ei noh tôm kon pơlei duh nhen rim unh hnam đoàn viên hơdruh tơdăm đei yua đơ\ng jên pơkăp klă ăn tơdrong jang vei hơlen bri, mih ma duch nă kơdih ako\m khul jang vă chă hơlen [a trui tơdrong koh phă bri glăi lơ\m tơring”.

  Đơ\ng ro\ng je# 8 xơnăm tơle\ch jang kiơ\ pơkăp klă jên vei hơlen bri, jo# truh blu\ng xơnăm âu, dêh char Kon Tum hlôi đei hloh 361.000ha bri đei io\k jang kiơ\ trong pơkăp âu. Ja#p dêh char đei 22 anih jang noh tơ ’ngla bri păng anih jang, 74 anih vei lăng kon pơlei xăh, th^ tra#n, je# 3.600 unh hnam, 21 tơring kon pơlei oei xa đei pơjao teh, pơjao vei hơlen bri kiơ\ trong pơkăp âu. Kiơ\ Tơchơ\t kơxo# 358, tơbang năr 11/4/2018 đơ\ng Anih vei lăng kon pơlei dêh char Kon Tum, xơnăm âu Anih mong jên Vei hơlen păng Hơto\k bri tơ\ tơring gô io\k đei hloh 248 tih hlak jên pơkăp klă ăn tơdrong vei hơlen bri đơ\ng dôm anih jang kiơ\ pơkăp âu, hơto\k pơhlom 80% pơtêng hăm xơnăm xơ\. ’Nâu jing trong jang kăp g^t vă bri pơtoi đei vei hơlen păng hơto\k tơ iung tơnăp hloh.

Tơbơ\ nơr: Lan