Kiơ̆ chih akŏm tơdrong sơkơ̆t jang kơ dôm tơring, đơ̆ng dang ei truh sơnăm 2025, 50 apŭng păng hloh 1.200 xah lơ̆m jơ̆p teh đak gô tơmơ̆t jang atŭm vă tơjur anih jang hanh chĭnh, tơjur ƀiơ̆ huach jên mong teh đak, hơtŏk jang tơnăp lơ̆m tơdrong vei lăng tơdrong jang teh đak. Đơ̆ng rŏng sơkơ̆t jang hơbŏ dôm anih jang hanh chĭnh tơ̆ apŭng đei sơkơ̆t noh 50 anih jang, đơ̆ng rŏng kơ sơkơ̆t tơjur 14 anih jang. Anih jang hanh chĭnh tơ̆ xah pơm kiơ̆ sơkơ̆t noh 1.243 anih jang, đơ̆ng rŏng kơ sơkơ̆t tơjur 619 anih jang.

Tơchơ̆t hơtuch hop akŏm, Phŏ Thủ tướng Trần Lưu Quang sơkơ̆t anih jang hanh chĭnh tơ̆ apŭng, tơ̆ xah jăl sơnăm 2023-2030 jing minh trong jang tih kơ Đảng, teh đak, atŭm hăm noh bơnê kơ tơdrong hơdrin đơ̆ng dôm anih jang tơm, dôm tơring lơ̆m pơm kiơ̆ keh kong pơhlom 60% tơdrong tơlĕch jang.