VOV4.Bahnar – Tơdrong Pơkăp jang kơ Teh đak găh hơto\k mu\k drăm – tơpôl tơring kon kông păng groi kông jăl xơnăm  2021-2030 pơtơm đei tơle\ch jang tơ\ tơring đơ\ng blu\ng xơnăm âu, roi xơkơ\t kơtang hloh đơ\ng Khul kơpal teh đak lơ\m pơm kiơ\ dôm tơchơ\t hơto\k tơ iung kơjăp, hơyak vei xơđơ\ng “Ưh đei prơih bơngai yơ to\ ro\ng”. Bơngai chih kơtơ\ng ang ăn Rađiô nơ\r pơma Việt Nam apinh {o# trưởng, Kơdră Anih jang găh Kon kông Hầu A Lềnh găh tơdrong hơmet vă Tơdrong pơkăp jang kăp g^t tih tên âu đei jơnei tơnăp 

        - {o# trưởng ăi, xơnăm 2022 noh xơnăm mă blu\ng  tơdrong pơkăp jang kơ teh đak găh hơto\k mu\k drăm tơpôl tơring kon kông păng groi kông, pơtơm tơle\ch jang jăl 1 tơ\ tơring. Apinh {o# trưởng ăn tơbăt găh dôm tơdrong gô đei axong jang mă blu\ng lơ\m tơdrong axong jên jang ăh jăl 1 tơdrong pơkăp jang kơ teh đak 'măng mă âu ako\m lơ\m dôm tơdrong jang yă kiơ?

          - {o# Trưởng Hầu A Lềnh:  Lơ\m tơdrong Pơkăp jang kơ teh đak găh hơto\k mu\k drăm tơpôl tơring kon kông păng groi kông jăl xơnăm  2021-2030 păng jăl xơnăm 2021 – 2025 đei 10 tơdrong pơkăp jang. Mă lei, vă mă blu\ng ăh xơnăm 2022, pơjing trong tơm ăn dôm xơnăm pơtoi kơ noh, Anih jang găh Kon kông hlôi drơ\ng nơ\r hăm dôm anih jang tơm, rim anih jang Trung ương păng tơmơ\t pơkăp axong jên jang. Noh jing ako\m xek tơlang adrol hloh găh hnam oei, teh bơ\ hnam, teh choh jang, đak xo\ nhă. 'Nâu jing dôm tơdrong mă kon pơlei kăl. Mă 2 noh keh đang găh pơkăp pơm jang drơ\ng minh đơ\ng Trung ương păng tơring duh kăl đei minh khul jang tih tên hloh.

          Mă 3 noh ako\m tơplih jang kiơ\ trong 'nao păng tơdrong tơm noh chih ako\m dôm kơso# pơkăp, xơkơ\t tơdrong đei jơnei lơ\m pơgơ\r pơm kiơ\ pơkăp jang. Năm hadoi hăm dôm xơnong jang âu, noh nhôn adoi axong jên jang lơ\m xơnăm 2022 ăn dôm tơdrong jang nai nhen găh y te#, găh pơtho pơhrăm, găh joh ayo\, jo# hloi găh vei xơđơ\ng tơpôl, đang kơ noh tơdrong jang tơroi tơbăt, hơvơn hơlêm, pơtho pơhrăm, hơto\k hlôh vao hloh ăn đe kang [o# pơgơ\r jang tơ\ dôm jăl jang lơ\m tơdrong tơle\ch pơm kiơ\ pơkăp. Păng tơre\k hloh truh tơdrong keh đang Jơnu\m pơgơ\r đơ\ng Trung ương truh tơring vă vei xơđơ\ng drơ\ng minh đơ\ng Trung ương hăm tơring.

          - Thoi noh {o# trưởng xơkơ\t thoi yơ găh dôm tơdrong hiôk păng tơnap tap [ơ\t tơle\ch pơm kiơ\ pơkăp pơm jang kơ teh đak lơ\m khei năr teh đak to\k bo\k oei [ơm răm găh mu\k drăm tơpôl kơyuơ đơ\ng pơrang j^ Covid 19 pơm đei?

          - {o# Trưởng Hầu A Lềnh:  Găh dôm tơdrong [ônh kơ tơdrong pơkăp jang, adrol hloh noh lơ\m tơchơ\t axong jang đơ\ng Thủ tướng teh đak hlôi vei xơđơ\ng axong jên jang măh mai ăn tơdrong jang noh 104.000 tih, jăl jang đơ\ng dang ei truh xơnăm 2025. Tơdrong tơroi tơbăt hlôi tơmơ\t pơm jang păng kon pơlei hlôi băt hơdăh tơdrong âu đơ\ng mă blu\ng.

          Dôm tơdrong pơkăp jang ie\ đei chih ako\m kiơ\ tơdrong kăl duh nhen kiơ\ tơdrong hơlen hơdăh dôm tơring, dôm anih jang tơm, rim anih jang, noh tơdrong tơle\ch jang âu vă pơm tro\ hăm tơdrong hơpơi kăl hloh, mă đei trong jang hơto\k io\k yua jơhngơ\m pran đơ\ng kon pơlei, kơdih hơto\k tơ iung klaih đơ\ng hin dơnuh.

          Mă lei, duh oei dôm tơdrong tơnap tap. Găn ga pơrang j^ hơbuh khei năr âu ki, tơdrong erih kon pơlei to\k bo\k oei [ơm tơnap tap bơih pơtoi tơnap tap hloh dơ\ng. Thoi noh, jơhngơ\m jang lơ\m kon pơlei duh gô tơnap tap hloh. Dôm tơdrong jang kăl kơ dôm tơring duh tơnap tap hloh pơtêng hăm xơkơ\t mă blu\ng kơ tơdrong pơkăp jang.

          Atu\m hăm noh, dôm tơdrong đei [ôh tơpă lơ\m tơdrong pơgơ\r jang kiơ\ pơkăp, pơtih nhen đei unh hnam hin dơnuh noh đei xăh hin dơnuh kiơ\ tơdrong hơlen chih ako\m pơngot hin dơnuh xơnăm 2021 kiơ\ tơchơ\t hin dơnuh 'nao. Thoi noh, tơdrong pơih xă bơngai, tơring gô pơm tơjur tơdrong axong jang. Mưh ưh axong jang truh dôm thôn pơlei noh gô pơm ăn kon pơlei pơngơ\t kơ đon, kăl đei minh tơdrong tơblang hơdăh păng hơmet tro\ [lep.

          Noh jing dôm tơdrong tơnap tap mă nhôn xơkơ\t tơ\ anăp păng duh to\k bo\k đei dôm trong jang hadoi hăm dôm anih jang tơm, rim anih jang, rim tơring vă xek tơlang dôm tơdrong âu.  

          - Hăm dôm tơnap tap nhen {o# trưởng 'nao tơroi, vă tơle\ch jang kiơ\ pơkăp gơh đei jơnei đơ\ng mă blu\ng, noh rim anih jang đei tơre\k păng rim tơring, gô pơm jang thoi yơ vă tang găn tơdrong huach ưh kơ tro\, dăh mă đei tơdrong xa pơj^p [ơ\t tơle\ch dôm tơdrong jang kiơ\ pơkăp?

          - {o# Trưởng Hầu A Lềnh: Inh kơche\ng, tơdrong tang găn huach ưh tro\ lơ\m tơdrong pơgơ\r pơm kiơ\ pơkăp jang, dăh mă đei dôm tơdrong xa pơj^p, duh [ôh mơ\n. Mă lei kiơ\ tơdrong pơgơ\r đơ\ng Đảng păng Teh đak, dôm hla bar pơkăp găh xơnong, pơkăp tơdrong pơgơ\r đơ\ng dôm jăl jang gô pơgăn tôm tơdrong noh. Lơ\m noh đei minh trong jang kăp g^t hloh. Noh jing tơdrong chih ako\m pơkăp hơdăh xơnong jang, tơdrong pơgơ\r păng kăp g^t hloh noh jing xơnong jang kơ rim jăl jang.

          Atu\m hăm tơdrong tơle\ch jang tơnăp đơ\ng anih jang kơpal kơ teh đak noh kăl hơvơn tơdrong hơlen đơ\ng Kuôk ho#i, Ho#i đo\ng kon pơlei dôm jăl păng mă kăl noh tơdrong vang hơlen đơ\ng Măt tra#n tôh kuôk, dôm anih jang ch^nh tr^ tơpôl păng tơdrong hơlen đơ\ng kon pơlei, duh nhen đơ\ng dôm anih jang tơroi tơbăt. Inh kơche\ng, mưh tơle\ch hrơ\p minh 'măng tôm trong jang âu noh gô ke\ tang găn dôm tơdrong axong jang ưh kơ tro\, glăi anih, glăi bơngai dăh mă đei dôm tơdrong pơyua kơdih. Nhôn duh hlôi tơre\k găh tơdrong âu lơ\m tơdrong chih ako\m hla bar pơkăp nhen tơchơ\t.

          - O| ah, bơnê kơ [o# trưởng hlôi axong jơ pơma dơnuh âu

Lan chih păng pơre nơ\r