VOV4.Bahnar - Hơ nơ̆ng jơ hôp ‘măng mă 16, kơ sơ̆ ‘năr 11/10, tơ gop nơ̆r găh dôm hla ar tơ roi tơ băt mŭk drăm - tơ pôl păng jên hu, Anih chĕp kơ̆l Kuôk hô̆u athei pơm rơ đăh hăm kơ sô̆ tơ jur kơ jă ưh kơ lăp, kơ jă răt măk hloh kơ jă tĕch pơm ăn anih tĕch mơ dro đak xăng đak dâu lôh păng athei tang ‘măng.  Hơ dai hăm vei lăng kơ jă đak xăng đak dâu; vei lăng kơ jă dôm tơ mam yua kăl, yua kơ mưh kơ jă đak xăng đak dâu jur, lơ tơ mam oei tĕch măk. Kŭm lơ̆m kơ sơ̆ ‘năr 11/10, ăn tơ gop nơ̆r găh hla ar tơ roi tơ băt đơ̆ng Khŭl kơ dră teh đak găh pơ tôch tơ lĕch jang kiơ̆ Tơ drong jang tơm kơ teh đak hơ tŏk tơ iung mŭk drăm tơ pôl tơ ring kon pơ lei kon kông păng tơ ring groi kông jăl jang 2021 – 2030, Anih chĕp kơ̆l Kuôk hô̆i athei jăh jang pơ keh trong jang klăih song đĭ kơ sô̆ jên tơ mơ̆t jang hơ tŏk tơ iung jên jang trung ương jăl jang 2021-2025 uơ oei dơ̆ng; đei trong jang tơ gep tơ drong jang tơ gŭm, akŏm kon jên, tơ mam đơ̆ng dôm Tơ drong jang tơm kơ teh đak, vei sơ đơ̆ng đei yua jên tơ mơ̆t jang.

VOV/Thuem tơ blơ̆