Anih chĕp kơ̆l pơgơ̆r Kuô̆k hô̆i pơma nuh găh tơdrong dăr lăng tơdrong tơplih ‘nao tơdrong pơtho pơhrăm, hla ar hŏk phô thŏng
Thứ sáu, 14:20, 14/07/2023
VOV/Dơ̆ng tơblơ̆
VOV/Dơ̆ng tơblơ̆
VOV4.Bahnar - Hơnơ̆ng bơ̆ jang lơ̆m Hop akŏm mă 24, năr ‘nâu (14/07) Anih chĕp kơ̆l pơgơ̆r Kuô̆k hô̆i mơ̆ng nơ̆r tơroi tơdrong dăr lăng blŭng a kiơ̆ tơdrong jang đơ̆ng Anih chĕp kơ̆l pơgơ̆r Kuô̆k hô̆i găh “Bơ̆ jang kiơ̆ tơdrong Tơchơ̆t kơsô̆ 88 sơnăm 2014 Kuô̆k hô̆i jăl 13 păng Tơdrong tơchơ̆t kơsô̆ 51 sơnăm 2017 Kuô̆k hô̆i jăl 14 găh tơplih ‘nao tơdrong pơtho pơhrăm, hla ar hŏk phô thong”.
Pơma tơ̆ hop akŏm mă 24 kơ Anih chĕp kơ̆l pơgơ̆r Kuô̆k hô̆i, Kơdră Kuô̆k hô̆i Vương Đình Huệ pơma hơdăh: tơdrong dăr lăng đơ̆ng Anih chĕp kơ̆l pơgơ̆r Kuô̆k hô̆i găh “Bơ̆ jang kiơ̆ tơdrong Tơchơ̆t kơsô̆ 88 sơnăm 2014 Kuô̆k hô̆i jăl 13 păng Tơdrong tơchơ̆t kơsô̆ 51 sơnăm 2017 Kuô̆k hô̆i jăl 14 găh tơplih 'nao tơdrong pơtho pơhrăm, hla ar hŏk phô thŏng” tôch gĭt kăl, đei bơngai tăh hla păng kon pơlei tôch tơrĕk.
Kơdră Kuô̆k hô̆i athei Anih chĕp kơ̆l pơgơ̆r Kuô̆k hô̆i tơgop nơ̆r vă khul dăr lăng tơchĕng hơlen, chih akŏm păng đei jơ bơ̆ jang tơpă hăm Anih tơm vei lăng pơtho pơhrăm hăm Khul kơdră tĕh đak adrol kơ Anih chĕp kơ̆l pơgơ̆r Kuô̆k hô̆i hơlen năng lơ̆m hop akŏm khei 8 truh.
Viết bình luận