Khei ‘năr âu ki, khul dăr lăng đơ̆ng Anih chĕp kơ̆l pơgơ̆r Quốc hội găh "Bơ̆ jang kiơ̆ tơdrong tơgŭm, khôi luơ̆t găh atŏk tơiung unh hơyuh đơ̆ng 2016-2021" hlôi bơ̆ jang, hơlen năng tơ̆ yăn âu tơ̆ dôm dêh char Quảng Nam, Quảng Ngãi, Sơn La, Gia Lai, Bạc Liêu, Bà Rịa - Vũng Tàu, Cà Mau păng plt Hồ Chí Minh; bơ̆ jang hăm Khul kơdră tĕh đak, dôm anih tơm, anih jang kơpal, khul grŭp, anih tĕch mơdro đei ƀơm truh; pơgơ̆r 1,2 hop akŏm pơma nuh găh tơdrong dăr lăng, mă loi jĭ hop akŏm iŏk nơ̆r tơgop đơ̆ng bơngai juăt jang ăn Hla ar chih tơroi tơdrong dăr lăng.

Tơdrong dăr lăng vă hơlen năng rim tơdrong, trŏ ƀlep, tôm tĕch mưh bơ̆ jang kiơ̆ tơdrong tơgŭm, khôi luơ̆t găh atŏk tơiung unh hơyuh khei ‘năr âu ki. Kiơ̆ đơ̆ng noh, chih hơdăh dôm trong jang kăl, đunh đai vă tơlĕch trong pơgơ̆r jang păng bơ̆ jang tơtom kiơ̆ dôm đon tơchĕng, trong jang đơ̆ng Đảng găh atŏk tơiung unh hơyuh.