Dêh char Bạc Liêu dang ei đei 215 hơp tak xăh, (lơ̆m nŏh, 7 hơp tak xăh đei bơngai kon kông vang jang lơ̆m khul chĕp kơ̆l, vei lăng), 2 Grŭp hơp tak xăh păng 515 khul jang hơdoi. Anih vei lăng kon pơlei dêh char Bạc Liêu athei Khul jang đơ̆ng Anih dăr lăng tơdrong tơgŭm ăn hơdrĕch kon kông kơ Kuô̆k hô̆i tơchĕng hơlen, roi tơƀôh ăn Kuô̆k hô̆i hơmet ming Luơ̆t Hơp tak xăh kiơ̆ trong chih hơmet pơ ‘lơ̆ng dôm tơdrong tơgŭm ăn hơp tak xăh mă lăp hăm yăn âu lơ̆m rim khei ‘năr jang tŏk. 

Pơma pơtôch jơ bơ̆ jang, Phŏ Kơdră Anih dăr lăng tơdrong tơgŭm ăn hơdrĕch kon kông kơ Kuô̆k hô̆i Trần Thị Hoa Ry athei Anih vei lăng kon pơlei dêh char Bạc Liêu pơtho ăn dôm anih jang kơpal, anih juăt jang chih akŏm nơ̆r pơma, tơgop ăn tơdrong hơmet ming Luơ̆t hơp tak xăh, lơ̆m nŏh athei tơrĕk truh dôm tơdrong tơgŭm jang tŏk mŭk drăm atŭm tơ̆ tơring kon kông vă Luơ̆t hơp tak xăh (oei chih hơmet) jăh chih đang ‘lơ̆ng, tơroi ăn Kuô̆k hô̆i lơ̆m hop akŏm truh.