VOV4.Bahnar - Anih jang Đảng Grŭp dôm anih jang kơ Trung ương ‘nao pơ jao 1 ti hlak jên vă man 20 tŏ hnam ăn dôm unh hnam đei kŏng, unh hnam tơ nuh hin mơ mat tat găh hnam oei tơ̆ Bình Định. Ƀok Nguyễn Quang Trường, Phó Bí thư Đảng Grŭp dôm anih jang kơ Trung ương ăn tơ băt, sơ năm 2021, Anih jang Đảng găh Grŭp bơ̆ jang kiơ̆ tơ drong tơ chơ̆t 05 đơ̆ng Ƀan Bí thư Trung ương Đảng găh “Hơ tŏk tơ drong chĕp kơ̆l pơ gơ̆r đơ̆ng Đảng hăm tơ drong jang tơ jur tơ nuh hin kơ jăp ‘lơ̆ng truh sơ năm 2030”.

Lêh pơ jao jên tơ gŭm ăn unh hnam đei kŏng man hnam

Kiơ̆ kơ ‘nŏh, rim anih jang đảng găh grŭp vang pơm pô̆ ƀăn, ‘nhŏng ŏh, tơ gŭm tŏ sĕt hlŏh ‘nŏh 1 apŭng tơ nuh, xăh tơ nuh lơ̆m tĕh đak găh tơ mam drăm, pơ tho tơ ƀôh khoa hŏk kơ măy kơ mŏk, tơ gŭm ăn tơ ring jang atŏk tơ iung mŭk drăm, sut pơ đĭ pơ ngot, tơ jur tơ nuh hin. Truh dang ei, lơ̆m Đảng ƀô̆ găh Grŭp mong đei 17,6 ti hlak jên đơ̆ng dôm anih mong jên tĕch mơ dro, anih jang xa, bơ ngai đei đon ‘lơ̆ng păng đe kăn ƀô̆, bơ ngai jang lơ̆m dôm anih jang đảng găh Grŭp.

Dơ̆ng: Tơ blơ̆