VOV4.Bahnar - Tơ gŭm hơ met ming, tơ plih ‘nao tơ lei đơ̆ng rŏng kơ jơ unh điên, chô̆ kơ ƀŏng unh điên păng hơ păh tơ mam, năm ngôi hăm dôm unh hnam mơ mat tat dêh hlŏh… ‘nŏh jĭ dôm tơ drong jang tôch đei yoa mă Anih jang unh điên Đak Mil, dêh char Dak Nông, hue lăng truh tơ̆ tơ pôl. Hăm nơ̆r tơ băt “Pơ jao đon lui, pơ truh tơ drong ‘mêm mơ nat”, anih jang hlôi hơ păh hlŏh 200 tơ pu tơ mam ăn dôm unh hnam tơ nuh bơ ngai kon kông tơ̆ xăh Đắk Gằn păng xăh Đắk Sắk.

Anih jang unh điên Đak Mil hơ păh tơ mam ăn unh hnam tơ nuh tơ̆ xăh Đắk Gằn

Khul druh dăm tơ̆ Anih jang unh điên Đak Mil tơ gŭm chô̆ tơ lei unh điên, đơ̆ng rŏng kơ kŏng jơ păng chô̆ kơ ƀŏng unh điên lơ̆m hnam ăn unh hnam yă Hoàng Thị Thom tơ̆ xăh Đắk Gằn. Kơ dih kâu ‘nhŏng Phạm Xuân Phương, công nhân jang tơ̆ Anih jang unh hnam Đak Mil răt 5 tŏ kơ ƀŏng kŭm hăm 1,2 tơ mam unh điên nai ăn unh hnam ‘nhŏng Y Biă tơ̆ plei Sarpa xăh Thuận An.

Dơ̆ng: Tơ blơ̆