Tơ̆ jơ pơm lêh, dôm bơngai anih tơgŭm hlôi pơjao jên man 1.200 tơ̆ hnam ăn unh hnam tơnuh, pơmat tat găh hnam oei tơ̆ dêh char Sóc Trăng, 1 pôm hnam đei tơgŭm 50 triu hlak jên. Anih tơm vei lăng Công an oei pơjao ăn Anih vei sơđơ̆ng mŭk drăm kŭm hăm Công an dêh char Sóc Trăng pơgơ̆r, jang hơdoi kơjăp hăm khul kơdră pơgơ̆r tơring man kĕh 1.200 tŏ hnam ‘năr 2/9/2023.

Ƀlep ƀât tơbăt 78 sơnăm Quốc khánh 2/9 vă hơlen năng, pơjao hnam ăn dôm unh hnam pơmat tat lơ̆m dêh char. 5 sơnăm âu ki, dêh char Sóc Trăng krao hơvơn păng man đei 5.200 tŏ hnam ăn bơngai đei kŏng, unh hnam tơnuh mơmat tat găh hnam oei. Mă lei, lơ̆m dêh char oei đei hlŏh 15.000 unh hnam tơnuh, hlŏh 26.000 unh hnam vă jê̆ tơnuh; mă loi, đei vă jê̆ 7000 unh hnam mơmat tat găh hnam oei.