VOV4.Bahnar - Kơ sơ̆ ‘năr 22/2, tơ̆ Hà Nội, Anih kanh sat vei lăng hanh chĭnh găh sơ dơ̆ng tơ pôl, Anih tơm vei lăng Kŏng an pơ gơ̆r hop akŏm tơ roi tơ băt asong tài khoản tơ băt hơ dăh hơ năn điên tư ăn kon pơ lei kiơ̆ tơ drong jang asong kăn kươk kon pơ lei. Tơ chĕng hơ drol hơ tuch khei 2 âu Anih tơm vei lăng Kŏng an gô asong tơ băt hơ năn điên tử ăn kon pơ lei vă pơm dôm hla ar hanh chĭnh kiơ̆ mạng. Tài khoản tơ băt hơ dăh hơ năn điện tử jĭ akŏm đei hơ năn tăh tơ mơ̆t, mât khâu dăh mă trong băt hơ dăh nai đei pơm yua đơ̆ng kơ măy băt hơ dăh hơ năn păng hơ len lăng yan âu điện tử đơ̆ng Anih tơm vei lăng Kŏng an. Tài khoản ‘nâu đei vei lăng păng băt hơ dăh lơ̆m kơ măy băt hơ dăh hơ năn điện tử teh đak yua đơ̆ng Anih tơm vei lăng Kŏng an pơm. Mưh kon pơ lei năm tơ̆ Anih jang Kŏng an quận/apŭng/dêh char/pơ lei tơm pơm hla ar asong, tơ plih, asong ming dơ̆ng kăn kươk kon pơ lei pơ klep chip ‘noh gơh chih măt asong tài khoản băt hơ dăh hơ năn điện tử. Rim kon pơ lei adoi gơh chih măt tài khoản băt hơ dăh hơ năn điện tử tơ dăh đei ‘meh vă iŏk yua. Mă loi ‘noh, tơ drong vei ôn kơ tơ̆ng ang kon pơ lei, ưh kơ gơh hơ lĕnh, băt hơ dăh yua đơ̆ng kơ tơ̆ng ang đei tơ băt đơ̆ng Anih chih răk teh đak găh kon pơ lei oei sa ‘noh jĭ hla ar chih răk tơm đei Khŭl kơ dră teh đak pơ jao ăn Anih tơm vei lăng Kŏng an vei lăng.

Thuem: Tơ blơ̆