Đak krong Krông Nô kơjung vă jê̆ 190km, ro klĕch 3 dêh char Lâm Đồng, Đắk Lắk păng Đắk Nông. Anih đei teh hơlih dêh hlŏh hrei ‘nâu găh apŭng Krông Nô, dêh char Đắk Nông. Kiơ̆ kơsô̆ chih jô̆ đơ̆ng apŭng Krông Nô, đơ̆ng sơnăm 2010 truh dang ei, tơter bơnơ̆ đak krong Krông Nô đei 18 anih hơlih, kơjung truh 10km, hlŏh 122ha tĕh choh jang xa tơter bơnơ̆ đak krong hơlih đak xa đĭ.

Teh hơlih tơ̆ tơring oei đei tôch krê păng tam mă ƀôh sơđơ̆ng kiơ. Khul jang ‘măng mă âu đơ̆ng Anih vei lăng teh Việt Nam mât dăr lăng tơ̆ anih teh hơlih tơ̆ đak krong Krông Nô kiơ̆ nơ̆r athei đơ̆ng Anih tơm vei lăng tơmam drăm păng cham char vă tơgŭm ăn 2 dêh char Đắk Nông, Đắk Lắk pơm hơdăh yoa kiơ đei teh hơlih păng đei trong hơmet pơ ‘lơ̆ng.