Anih vei lăng hơdrĕch kon kông dăr lăng tơdrong jang tơm kơ teh đak tơ̆ dêh char Kon Tum
Thứ tư, 12:45, 02/10/2024
VOV Tây Nguyên/Dơ̆ng tơblơ̆
VOV Tây Nguyên/Dơ̆ng tơblơ̆
VOV4.Bahnar – ‘Năr brei (1/10), Khul jang đơ̆ng Anih vei lăng hơdrĕch kon kông yoa ƀok Y Vinh Tơr, Kơdră jang hiă lơ̆m Trung ương Đảng, Phŏ Kơdră Anih vei lăng hơdrĕch kon kông chĕp kơ̆l truh dăr lăng Tơdrong jang tơm kơ teh đak atŏk tơiung mŭk drăm, tơpôl tơ̆ tơring kon kông păng groi kông tơ̆ dêh char Kon Tum.
Bơ̆ jang tơdrong jang tơm kơ teh đak atŏk tơiung mŭk drăm tơpôl tơ̆ tơring kon kông păng groi kông, đơ̆ng sơnăm 2021 truh khei 8/2024, dêh char Kon Tum tơlĕch đei hlŏh 1.400 ti hlak jên, iŏk đei hlŏh 60% nơ̆r hơgăt. Mĭnh sơnăm dêh char tơjur đei 3-4% kơsô̆ unh hnam tơnuh jĭ bơngai kon kông; đei 13 xăh păng 48 pơlei klăih đơ̆ng pơmat tat dêh hlŏh...
Tơ̆ jơ bơ̆ jang, ƀok Y Vinh Tơr tơchĕng ‘lơ̆ng tơdrong kơchăng đơ̆ng dêh char Kon Tum mưh pơgơ̆r bơ̆ jang dôm tơdrong jang tơm kơ teh đak; đei trong pơgơ̆r jang tôch lăp hăm rim tơdrong đei tơ̆ yăn âu. Anih chĕp kơ̆l đảng dêh char đei tơdrong tơchơ̆t kơdih mưh bơ̆ jang dôm tơdrong jang tơm kơ teh đak; tơlĕch đei jên jang lơ ƀiơ̆ pơting hăm lơ tơring mưh bơ̆ jang tơdrong jang tơm kơ teh đak.
Viết bình luận